جۇمىسسىز ازاماتتاردى سۋ تاسقىنىنان زارداپ شەككەن وڭىرلەردە تۇرعىن ءۇي سالۋ جانە ينفراقۇرىلىمدى قالپىنا كەلتىرۋ جۇمىستارىنا جۇمىسقا ورنالاستىرۋ بويىنشا ەڭبەك جانە حالىقتى الەۋمەتتىك قورعاۋ مينيسترلىگى «بىرگە سالايىق!» اتتى جوباعا باستاما جاسادى. قۇرىلىس كومپانيالارى ۇسىناتىن بوس جۇمىس ورىندارىن ەلەكتروندىق ەڭبەك بيرجاسىنان كورۋگە بولادى, دەپ حابارلايدى Egemen.kz.
ۆەدومستۆونىڭ ءباسپاسوز قىزمەتىنىڭ ءمالىم ەتۋىنشە, مينيسترلىكتىڭ ەڭبەك رەسۋرستارىن دامىتۋ ورتالىعى «بىرگە سالايىق!» جوباسى شەڭبەرىندە ازاماتتاردى جۇمىسقا ورنالاستىرۋدى سۇيەمەلدەۋ جونىندەگى ارنايى پلاتفورما ازىرلەدى. بۇل Enbek.kz ەلەكتروندىق ەڭبەك بيرجاسىنداعى جاڭا مودۋل بولادى, وسىندا جۇمىسقا ورنالاسۋعا جانە وڭىرلەرگە تۇرعىن ءۇي قورى مەن ينفراقۇرىلىمدى قالپىنا كەلتىرۋگە كومەكتەسۋگە نيەت بىلدىرگەن كەز كەلگەن ادام بوس ورىندارمەن تانىسىپ, وزىنە ۇناعان كەز كەلگەنىنە ىنتا ءبىلدىرىپ, اڭگىمەلەسۋدەن وتە الادى. قازىرگى ۋاقىتتا پلاتفورمادا 42 بوس جۇمىس ورنى بار.
«قازىرگى ۋاقىتتا ءبىز جۇمىس بەرۋشىلەر بازاسىن جانە بوس جۇمىس ورىندارىن تولىقتىرۋمەن اينالىسىپ جاتىرمىز. وڭىرلەر ءۇشىن كىم-كىمنىڭ دە قاتىسۋى وتە ماڭىزدى, ويتكەنى, قازىر بىلىكتى ماماندار دا, بەيىندى ءبىلىمى جوق ماماندار دا قاجەت», دەپ اتاپ ءوتتى مينيستر سۆەتلانا جاقىپوۆا.
ەستەرىڭىزگە سالايىق, سۋ تاسقىنى سالدارىنان اقمولا, اقتوبە, اتىراۋ, باتىس قازاقستان, قوستاناي, پاۆلودار, سولتۇستىك قازاقستان وبلىستارىنىڭ تۇرعىندارى مەن ينفراقۇرىلىمى زارداپ شەكتى.