كوركەم گيمناستيكادان قازاقستان كومانداسىنىڭ مۇشەلەرى ەريكا جايلاۋوۆا مەن ميلانا پارفيلوۆا پورتۋگاليادا وتكەن «شاقىرتۋ كۋبوگىندە» جۇلدەلى ورىننان كورىندى, دەپ حابارلايدى Egemen.kz Olympic.kz-كە سىلتەمە جاساپ.
كوپسايىس قورىتىندىسى بويىنشا پارفيلوۆا 5, جايلاۋوۆا 7-ورىننان كورىندى.
ال جەكەلەگەن جاتتىعۋلار بويىنشا وتكەن فينالدا ەكى سپورتشىمىز دا جۇلدەگەرلەر قاتارىنان تابىلدى.
اتاپ ايتار بولساق, ميلانا پارفيلوۆا شىعىرشىقپەن جاتتىعۋدا كۇمىس, تاسپامەن جاتتىعۋدا قولا جۇلدەگەر اتاندى.
ەريكا جايلاۋوۆا دوپ جاتتىعۋىندا كۇمىس السا, شىعىرشىقپەن جاتتىعۋدا 4-ورىنعا تابان تىرەدى.
ال قازاقستان كومانداسىنىڭ ۇزدىكتەرى ەلجانا تانيەۆا مەن ايبوتا ەرتايقىزى الداعى الەم كۋبوگى كەزەڭدەرىنە دايىندالادى.