الماتىنىڭ بوستاندىق اۋدانىنداعى مەيرامحانالاردىڭ بىرىنەن ءورت شىقتى. وقيعا ورنىندا تۇسىرىلگەن ۆيدەو الەۋمەتتىك جەلىدە تارادى, دەپ حابارلايدى Egemen.kz.
قالالىق توتەنشە جاعدايلار دەپارتامەنتى ءمالىم ەتكەندەي, اتالعان ءورت تۋرالى حابارلاما بۇگىن ساعات 10:30-دا تۇسكەن.
«بوستاندىق اۋدانىنىڭ ءورت سوندىرۋشىلەرى «وكادزاكي» مەيرامحاناسىنا شىقتى. انىقتالعانداي, ءورت مەيرامحانانىڭ اس بولمەسىندە تۇتانىپ, قىزىل جالىن 10 شارشى مەتر اۋماقتى شارپىعان. ابىروي بولعاندا, كەلۋشىلەر عيماراتتان شىعىپ ۇلگەردى. قۇرباندار مەن زارداپ شەككەندەر جوق», دەپ حابارلادى الماتى قالالىق تجد ءباسپاسوز قىزمەتى.
ءورت 10:34-تە وقشاۋلانىپ, 10:37-دە تولىق ءسوندىرىلدى.