كۇنى كەشە شىمكەنتتە ورنالاسقان № 2 تۇركىستان وبلىستىق پەريناتالدى ورتالىعى ماڭىندا شالا تۋعان نارەستەنىڭ تابىلعانىن حابارلاعان ەدىك. قۇزىرلى ورگاندار نارەستەنى قوراپقا سالىپ تاستاپ كەتكەن انانى تاپتى, دەپ جازادى Egemen.kz kaz.inform.kz-كە سىلتەمە جاساپ.
بۇگىن شىمكەنت پوليتسياسى 20-21 اپتالىق نارەستەنى تاستاپ كەتكەن انانى تاپتى. ول شىمكەنت قالاسىنىڭ تۇرعىنى بولىپ شىقتى.
«اتالعان فاكتى بويىنشا قالا تۇرعىنى انىقتالىپ, ۇستالدى. قىلمىستىق ءىس قوزعالىپ, سوت-مەديتسينالىق ساراپتاما تاعايىندالدى. تەرگەۋ امالدارى جۇرگىزىلىپ جاتىر», دەلىنگەن پوليتسيا بەرگەن تۇسىنىكتەمەدە.
ەسكە سالايىق, 7 مامىر كۇنى شىمكەنتتە ورنالاسقان پەرزەنتحانا ماڭىنا شەتىنەگەن ءسابيدىڭ دەنەسى تابىلعان ەدى.