ەلوردادا كەرەي-جانىبەك حاندار مەن قابانباي باتىر كوشەلەرىنىڭ قيىلىسىندا سالىنىپ جاتقان LRT قۇرىلىس الاڭىندا كران قۇلاپ كەتتى. تجم زارداپ شەككەندەر جوق ەكەنىن مالىمدەدى, دەپ جازادى Egemen.kz.
بۇگىن ساعات 10:35-تە ارماتۋرانى كوتەرۋ كەزىندە باعىتتاما كران «ۆرەمەنا گودا» تۇرعىن ءۇي كەشەنىنىڭ كولىك تۇراعىنا قۇلاعان.
«Zoomlion جۇك كوتەرگىش كران China Railway Asia-Europe Construction Investment كومپانياسىنا تيەسىلى. اپاتتىڭ بولجامدى سەبەبى – شامادان تىس جۇكتەمە. اۆتوكران تىركەلمەگەن جانە جۇمىسقا رۇقسات الماعان. قورىتىندىلارى تۋرالى قوسىمشا حابارلانادى. اپاتتىڭ ءمان-جايىن انىقتاۋ ءۇشىن كوميسسيا قۇرىلىپ جاتىر», دەلىنگەن استانا قالالىق ونەركاسىپتىك قاۋىپسىزدىك كوميتەتىنىڭ حابارلاماسىندا.