«ىرگەسى بەرىك ەلدى جاۋ المايدى, اۋىزى ءبىر ەلدى داۋ المايدى». شىن مانىندە, بۇل زامان - بىلىمگە عانا ەمەس, بىلەككە دە سەنەتىن ۋاقىت. بىلەك دەپ وتىرعانىمىز – ەلدىڭ قارۋلى كۇشتەرى. اسكەرىڭ ساقاداي ساي تۇرماسا, اركىمگە جەم بولاسىڭ. بۇگىنگى اڭگىمەمىز دە ەلىن قورعاعان ناعىز ەرلەر - ارنايى ماقساتتاعى بارلاۋ روتاسىنىڭ جاۋىنگەرلەرى تۋرالى بولماق.
اسكەر قاتارىندا قىزمەت ەتىپ, وتان الدىنداعى پارىزىن وتەۋگە ءاربىر ازامات مىندەتتى. سەبەبى, تۋعان جەردى, ەلدى, اتامەكەندى قورعاۋ – قاسيەتتى بورىش. بۇل دەگەنىمىز – باتىرلىق پەن تاباندىلىق, وتانسۇيگىشتىك پەن وتانعا شەكسىز قىزمەت ەتۋدىڭ نىشانى. قاي داۋىردە بولسىن, وتان قورعاۋ ءاربىر قازاقستان ازاماتىنىڭ قاسيەتتى بورىشى بولىپ كەلگەن. ءوزىن ەر ازاماتپىن دەپ سانايتىن, كەۋدەسىندە ار-نامىسى, بويىندا جىگەرى, جۇرەگىندە وتى بار ءاربىر جان ءۇشىن ەڭ باستى پارىز, ەڭ باستى ادامي مىندەت – وسى.
بۇگىن دە ءبىز بارعان «ارنايى ماقساتتاعى بارلاۋ روتاسى» جاۋىنگەرلەرى قويان-قولتىق ۇرىستان وزدەرىنىڭ شەبەرلىگىن كورسەتىپ, جۇمىستارىنىڭ ماقساتى مەن مىندەتتەرىن اتاپ ءوتتى.
«جاۋىنگەرلىك دايارلىق تۇرعىداعى دايىندىقتىڭ ءبىر ءتۇرى - قويان-قولتىق ۇرىسى. سوعىستا دا, بەيبىت ۋاقىتتا دا كەرەك زات. ادام دەنەنى ءاردايىم شىنىقتىرىپ تۇرۋ قاجەت. سول سەبەپتەن ءبىز اسكەري قىزمەت بارىسىندا وسى تاسىلدەردى, قولدانىپ, ۇيرەنىپ, جاتتىعۋ بارىسىندا جۇزەگە اسىرامىز. قويان-قولتىق ۇرىس تاسىلدەرىن اسكەري قىزمەتشى جۇمىسقا ورنالاسقاننان باستاپ ەكى-ءۇش جۇما ۋاقىت ارالىعىندا ۇيرەنە الادى», دەيدى روتا ستارشيناسى قايرات ەراسىل.
ونىڭ ايتۋىنشا, بۇل روتانىڭ باسقالاردان ەرەكشەلىگى – «كورىنبەي كورۋ, ولمەي كەلۋ».
سونداي-اق «قالقان» ارنايى ماقساتتاعى شابۋىلداۋشى باتالونىنىڭ قىزمەتىمەن دە تانىستىق. بۇل باتالون بىلىكتىلىگىن ارتتىرۋ ءۇشىن تاكتيكالىق جاتتىعۋلاردى ءجيى وتكىزىپ تۇرادى. ءبولىم قىزمەتكەرلەرىنىڭ نەگىزگى ميسسياسى – قارۋلانعان توپتاردى زالالسىزداندىرۋ.
«بۇل جەردەگى جاۋىنگەرلەردىڭ مىندەتتەرى – جاتتىعۋ الاڭىندا شابۋىلداۋشىلاردى زالالسىزداندىرۋ, ياعني, كوزىن جويۋعا ءىس-قيمىل جاسايدى. بۇل باتالون بارلىق قويىلعان تالاپتاردى ورىندايدى», دەيدى ۆزۆود سەرجانتى ازامات امىربەكوۆ.