“نۇر وتان” حدپ توراعاسىنىڭ ءبىرىنشى ورىنباسارى نۇرلان نىعماتۋليننىڭ توراعالىعىمەن “نۇر وتان” پارتياسىنىڭ 2020 جىلعا ارنالعان باعدارلاماسىن ازىرلەۋ جونىندەگى جۇمىس توبىنىڭ كەزەكتى تالقىلاۋى ءوتتى.
ەلباسى, “نۇر وتان” حدپ ءتوراعاسى ن.ا.نازارباەۆتىڭ پارتيانىڭ كەزەكتەن تىس ءXىى سەزىندە بەرگەن تاپسىرماسىنا سايكەس پارتيانىڭ 2020 جىلعا ارنالعان باعدارلاماسىن دايىنداۋ بويىنشا جۇمىستار جالعاسۋدا. جوبانى ازىرلەۋگە قۇرامىندا تانىمال, بەدەلدى عالىمدار مەن الەۋمەتتىك جانە گۋمانيتارلىق سالا ماماندارى بار ارنايى ساراپشى توپ قاتىسۋدا. ساراپشىلار باعدارلاما جوباسىنىڭ نەگىزگى ءبولىكتەرىنىڭ مازمۇنى مەن قۇرىلىمى بويىنشا ۇسىنىستار دايىندادى.
ال جۇمىس توبى قۇرامىنا پارلامەنت دەپۋتاتتارى, مەملەكەتتىك ورگاندار, ورتالىق اپپارات, پارلامەنتاريزم ينستيتۋتى وكىلدەرى جانە تانىمال عالىمدار كىردى. پارتيا توراعاسىنىڭ ءبىرىنشى ورىنباسارى نۇرلان نىعماتۋليننىڭ اتاپ وتكەنىندەي, پارتيا كوشباسشىسىنىڭ تاپسىرماسى بويىنشا باعدارلاما جوباسىنا وسى ۋاقىتقا دەيىنگى ساياسي, يدەولوگيالىق جانە ۇيىمداستىرۋ-پارتيالىق جۇمىس تاجىريبەلەرىنەن ىرىكتەلىپ الىنىپ, سونىڭ نەگىزىندە پارتيانىڭ 2020 جىلعا دەيىنگى قىزمەتىنىڭ نەگىزگى كەزەڭدەرى مەن باسىم باعىتتارى انىقتالماق. اتالعان جوبانىڭ ماقساتتى باسىمدىقتارى قازاقستاننىڭ 2020 جىلعا دەيىنگى ستراتەگيالىق دامۋ جوسپارىمەن سايكەس كەلەدى.
جيىن بارىسىندا قاتىسۋشىلار جان-جاقتى پىكىر الماسىپ, باعدارلاما جوباسىنا تولىقتىرۋلار مەن وزگەرىستەر ازىرلەدى.
“ەگەمەن-اقپارات”.