باتىس قازاقستان وبلىسىندا جايىق وزەنىندەگى سۋ دەڭگەيى اقجايىق اۋدانى تايپاق اۋىلى تۇسىندا 929 (قاۋىپتى شەگى – 850 سم) سانتيمەترگە جەتتى. «قازگيدرومەت» رمك بقو فيليالىنىڭ بۇگىنگى ساعات 08.00-دەگى مالىمەتىنشە اتالعان گيدروبەكەتتە سۋ دەڭگەيى ءبىر تاۋلىكتە 30 سانتيمەترگە كوتەرىلدى, دەپ حابارلايدى Egemen.kz.
Kazinform حابارلاعانداي, جايىق سۋى اقجايىق اۋدانى ارقىلى اتىراۋعا قاراي ءوتىپ جاتىر.
ەسەسىنە جايىق وزەنىنىڭ باسقا گيدروبەكەتتەرىندە سۋ دەڭگەيى ءتۇسىپ كەلەدى. بايتەرەك اۋدانى يانۆارتسەۆ اۋىلىندا قازىرگى ۋاقىتتا 796 (-4, قاۋىپتى شەگى – 1 250 سم), ورال قالاسىندا 786 (-6, 850 سم), كوشىمدە 809 (-4, 850 سم) سانتيمەتردى كورسەتتى.
سونداي-اق كوشىم كانالىندا 4 سانتيمەترگە (753 سم, قاۋىپتى شەگى – 800 سم) تومەندەگەن.