اباي وبلىسىندا 10 جىل بويى حالىقارالىق ىزدەۋدە جۇرگەن ەر ادام ۇستالدى, دەپ حابارلادى Egemen.kz.
«شەتەلدىك» جەدەل-پروفيلاكتيكالىق ءىس-شاراسىن وتكىزۋ بارىسىندا اباي وبلىسى پد ەكسترەميزمگە قارسى كۇرەس باسقارماسىنىڭ قىزمەتكەرلەرى بۇزاقىلىق جاساعانى ءۇشىن 2013 جىلدان بەرى حالىقارالىق ىزدەۋدە جۇرگەن تاجىكستان رەسپۋبليكاسىنىڭ ازاماتىن ۇستادى.
«ەر ادام ۋاقىتشا ۇستاۋ يزولياتورىنا قامالدى. قازىرگى ۋاقىتتا ونى قىلمىستىق جاۋاپكەرشىلىككە تارتۋ ءۇشىن تاجىكستان رەسپۋبليكاسىنىڭ اۋماعىنا ەكستراديتسيالاۋ تۋرالى ماسەلە قاراستىرىلىپ جاتىر», دەدى اباي وبلىسى پد باستىعىنىڭ ورىنباسارى ناريمان كۇلدىكوۆ.