اسسامبلەيا بەلسەندىلەرى ماراپاتتالدى

ماراپاتقا يە بولعان­داردىڭ قاتارىندا شىم­كەنت قالالىق قحا تور­اعاسىنىڭ ورىنباسارى, «نايري» ارميان ەتنومادەني بىرلەستىگىنىڭ توراعاسى نايرا موۆسيسيان, «وتاۋ-ستروي» جشس-نىڭ ديرەكتورى اس­لان الىمبەك, «فيركان» جشس باس­شىسى يلياس گاريپوۆ, وزبەك ەتنو­ما­دەني بىرلەستىگىنىڭ توراعاسى تاحير­بەك نيشانباەۆ, كورەي ەتنو­مادەني بىرلەستىگىنىڭ توراعاسى يۋري پان, «باربانگ» كۇردىلەرىنىڭ قاۋىمداستىعى» رەسپۋبليكالىق قوعام­دىق بىرلەستىگىنىڭ شىمكەنت قا­لاسى بويىنشا فيليالىنىڭ تور­اعاسى يسمات سۋلەيمانوۆ, «Kazakh­stan Distributors Centre» جشس-نىڭ شىمكەنت قالالىق فيليالىنىڭ مەنەد­جەرى دامير ساگدەەۆ, «Qagaz Ordasy» جشس-نىڭ ديرەكتورى قانات الىمباەۆ, «ال اباي» جشس باسشىسى قاسىم وسەرباەۆ, قالالىق اس­سامبلەيا جاستارى ۇيىمىنىڭ تور­اعاسى نۇربولات مەيىربەكوۆ, ۇلت­تىق ۆولونتەرلىك فرونت ءوفيسىنىڭ جەتەك­شىسى قايىرجان بوگەنباي مەن زاڭگەر ەۆگەني ياۆورسكي بار.

مەرەكە قارساڭىنداعى ماراپاتتاۋ ءراسىمى مەگاپوليستەگى «دوستىق ۇيىندە» «بەرەكە – بىرلىكتە» تاقىرى­بىنداعى «دوڭگەلەك ۇستەل» اياسىندا ۇيىمداستىرىلدى.

سالتاناتتى ءىس-شاراعا قالا اكى­مىمەن بىرگە ءماسليحات توراعاسى, ەتنومادەني بىرلەستىكتەردىڭ جەتەك­شىلەرى مەن اسسامبلەيا جانىن­داعى قوعامدىق قۇرى­لىمداردىڭ توراعالارى, «Ama­nat» پارتياسى فيليالىنىڭ اتقارۋ­شى حاتشىسى, كاسى­پ­كەرلەر پالاتاسىنىڭ ديرەكتورى, بىرقاتار كاسىپكەرلەر مەن ۆولونتەرلەر, «اسسامبلەيا جاستارى» ۇيىمىنىڭ جەتەكشىلەرى قاتىستى.

ەلگە جاناشىر ازاماتتاردى ال­عىسحاتپەن ماراپاتتاعان قالا باسشىسى سۋ تاسقىنىنان زارداپ شەككەن وڭىرلەرگە گۋمانيتارلىق كومەك جيناپ, ولاردى جونەلتۋگە اتسالىسقان وسىناۋ جاندارعا ءوز اتىنان شىنايى ريزاشىلىعىن ءبىلدىرىپ, العىسىن جاۋ­دىردى. «سىن ساعاتتا حالقىمىزدىڭ مىزعىماس بىرلىگى ايقىن كورىندى. يگى ىسكە جۇمىلعان بەلسەندىلەر الىستاعى اعايىنعا دەر كەزىندە دەمەۋ بولدى», دەدى شاھار باسشىسى.

وسى ورايدا جوعارى باسشىلىق تاراپىنان «جۇرەكتەن – جۇرەككە» اكتسياسى سۋ تاسقىنىنا ۇشىراعان وتانداستارىمىزعا گۋمانيتارلىق كومەك جىبەرۋدە ناعىز ماڭىزدى ءىس-شاراعا اينالدى. اسسامبلەيانىڭ قايى­رىمدىلىق ىستەرى جالعىز بۇل ەمەس. تالاي وسىنداي قيىن اپات­تىق جاع­دايلاردا دا ەتنومادەني بىر­لەس­تىك مۇشەلەرى جىلۋ جيناپ, اعايىن­دىق تانىتقان. سول ءۇشىن دە اسسامبلەيا مۇشەلەرىنە حالىق ءدان ريزا. وزدەرىنىڭ ازاماتتىق ۇستانىمىمەن ءاربىر ەتنوبىرلەستىك قۇرامىنداعى كىسىلەر قازاقستاننىڭ ورتاق شاڭىراق ەكەنىن, ونىڭ تۇرعىندارى ءبىر-بىرىنە بوتەن ەمەس, تۋىس ەكەنىن بارشامىزعا ۇعىندىردى دەگەن وي-پىكىر ايتىلدى.

جيىن بارىسىندا سۋ تاسقىنىنان زارداپ شەككەن وڭىرلەرگە گۋمانيتا­ر­­­لىق كومەك كورسەتۋ جونىندەگى قالا­لىق قحا جانىنان قۇرىلعان شتاب جەتەكشىسىنىڭ ورىنباسارى, قالالىق كورەي ەتنومادەني بىرلەستىگىنىڭ تور­اعاسى يۋري پان, شىمكەنت قالاسى بويىنشا ۇلتتىق ۆولونتەرلىك فرونت ءوفيسىنىڭ جەتەكشىسى قايىرجان بوگەنباي, قالالىق كاسىپكەرلەر پالا­تاسىنىڭ ديرەكتورى سابيرا ادام­بەكوۆا ءسوز سويلەپ, اتقارىلعان جۇ­مىستار جايىندا بايانداما جاسادى.

وسى ورايدا يۋري پان باستاعان كورەي ەتنومادەني بىرلەستىگىنىڭ ءۇش اپتادا 120 توننا گۋمانيتارلىق كومەك جيناپ, قارعىن سۋدان جاپا شەك­كەن ەلىمىزدىڭ سولتۇستىك, باتىس وڭىر­لە­رىنە ارنايى كولىك كەرۋەنىمەن جونەلت­كەنىن ەرەكشە ايتىپ وتكەن ءجون. شىمكەنتتىڭ ەرىكتى ازاماتتارى دا ەل باسىنا كۇن تۋعان شاقتا قاراپ جاتپاي, قولدان كەلگەنشە گۋمانيتارلىق كومەك جيناۋعا كومەكتەسىپ, ءتىپتى ءبىراز ادام سول اپات ايماعىنا بارىپ,  تاسقىنمەن كۇرەستە قول جاردەمىن دە كورسەتىپ قايتتى. ال نەگىزگى مىندەتى كاسىپكەرلەردىڭ قۇقىعىن قورعاۋ بولىپ تابىلاتىن جەرگىلىكتى كاسىپكەرلەر پالاتاسى دا ۇجىم بولىپ, قالتالى كىسىلەردى ۇيىمداستىرىپ, شامالارى جەتكەنشە جاردەمدەرىن اياعان جوق. جيىنعا قاتىسۋشىلار ەلدىڭ بىرلىگى بەرىك بولسا الىنبايتىن قامال جوق ەكەنىن تاعى ءبىر مارتە ەسكە تۇسىرگەندەي بولدى. ويتكەنى سۋ تاسقىنى كەزىندە ۇيىنەن, مال-مۇلكىنەن ايىرىلعان جاندار وزدەرىن دالادا قالعانداي جالعىز سەزىنگەن جوق. مەملەكەت ءبىر جاعىنان قولداۋ شارالارىن ۇيىمداستىرسا, قاراپايىم كىسىلەر وزىندەگى بار دۇنيە-مۇلكىمەن ءبولىستى. ال جىلۋ جيناۋدا ەڭ بەلسەندى بولعانداردىڭ ءبىرى اسسامبلەيا مۇشەلەرى ەكەنىن بىلە جۇرگەن ابزال.

سونىمەن 1 مامىر – قازاقستان حالقى بىرلىگى كۇنىنە ارنالعان مە­رەكەلىك باسقوسۋدىڭ قورىتىندى سوزىن­دە قالا اكىمى ع.سىزدىقبەكوۆ مەم­لەكەت باسشىسىنىڭ قازاقستان حالقى اسسامبلەياسىنىڭ ءحححىىى سەسسياسىندا جۇكتەگەن تاپسىرمالارىن  جەرگىلىكتى جەردە ناتيجەلى ورىنداۋ ءۇشىن جوسپار ازىرلەۋدى ءارى سوعان سايكەس كەشەندى جۇمىستاردى جۇيەلەۋدى تاپسىردى.

جيىن سوڭىندا قازاقستان حالقى اسسامبلەياسىنىڭ 2024 جىلعى 12 ساۋىردەگى №24-35-2.43 شەشىمىنە سايكەس قازاقستان حالقى اسسامبلەياسى قۇرامىنا جاڭا­دان قابىلدانعان مۇشەلەرگە ەل پرە­زيدەنتى قحا توراعاسى قاسىم-جومارت توقاەۆ­تىڭ قولى قويىلعان كۋالىكتەر تاپسى­رىلدى.