الماتى قالاسىنىڭ پوليتسيا دەپارتامەنتى وزدەرىن ءتارتىپ ساقشىلارى رەتىندە تانىستىرىپ, حالىق سەنىمىن پايدالانىپ, ءىرى كولەمدە قارجى ۇرلايتىن الاياقتاردىڭ سۋرەتىن تاراتتى, دەپ حابارلايدى Egemen.kz.
«الماتى پوليتسياسى ينتەرنەت-الاياقتىق دەرەكتەرى جيىلەپ كەتكەنىن ەسكەرتەدى. الاياقتار Whatsاpp مەسسەندجەرىندە اككاۋنت اشىپ, اۆاتارلارىنا مەملەكەتتىك مەكەمە نەمەسە جەكە ۇيىم باسشىسىنىڭ سۋرەتىن ورنالاستىرادى. كەيىن «قر ۇقك كەنەتتەن تەكسەرىپ جاتىر» دەگەن سىلتاۋمەن ءۇشىنشى تۇلعالاردىڭ شوتتارىنا اقشا اۋدارۋ قاجەت ەكەنىن حابارلايدى. وكىنىشكە قاراي, بۇل تاسىلگە الدانىپ, قاراجاتىنان قاعىلىپ جاتقان ادامدار قاتارى كوبەيىپ بارادى», دەدى الماتى قالالىق پوليتسيا دەپارتامەنتى باستىعىنىڭ ورىنباسارى قۋاتبەك ناۋاتوۆ.
ايتا كەتەيىك, سوڭعى كەزدە ەلىمىزدە ينتەرنەت-الاياقتىق فاكتىلەرى جيىلەپ بارادى. پوليتسيا قىزمەتكەرلەرى ەل ازاماتتارىن قىراعى بولۋعا شاقىرادى.