بايزاق اۋداندىق تاريحي-ولكەتانۋ مۋزەيىنىڭ ەتنوگرافيا زالىندا «قولىڭمەن ۇستاپ, جۇرەكپەن سەزىن» اتتى تيفلومۋزەي جوباسىنىڭ زاعيپ ازاماتتارعا QR-كود ارقىلى ۇيىمداستىرىلعان ارنايى بۇرىش اشىلدى.
اتالعان يگى ىسكە جامبىل وبلىستىق كوزى كورمەيتىن جانە ءالسىز كورەتىن ازاماتتار كىتاپحاناسى ۇيىتقى بولدى.
«تيفلومۋزەي» جوباسى ارقىلى زاعيپ ازاماتتارىمىز كەڭىستىكتى شارلاۋ قابىلەتىن قالىپتاستىرۋعا قول جەتكىزسە, زامانۋي ۇلگىدەگى QR-كود قويىلعان ەكسپوزيتسيا مۇمكىندىگى شەكتەۋلى ازاماتتارعا سمارتفونعا جادىگەردىڭ كودىن ەنگىزۋ ارقىلى ورتاعاسىرلىق دۇنيەگە ساياحات جاساۋعا مۇمكىندىك بەرەدى.
سالتاناتتى شارادا ارنايى بۇرىشتىڭ لەنتاسىن اۋداندىق تاريحي-ولكەتانۋ مۋزەيىنىڭ ديرەكتورى ارتىق ناريمان ۇلى مەن بايزاق اۋداندىق باستاۋىش ۇيىمىنىڭ توراعاسى ەركىن جالعاس ۇلى قيىپ, جۇرەكجاردى جىلى لەبىزدەرىن ارنادى.
ەندىگى كەزەكتە اۋدانىنىڭ تاريحىمەن تانىسۋعا كەلگەن ءاربىر زاعيپ جان مۋزەي قوناعى بولا وتىرىپ, حالقىمىزدىڭ ۇلتتىق تاريحي-مادەني قۇندىلىقتارى مەن تاريحىن تەرەڭ تانىسا الادى.
ايناگۇل مامىتبەكوۆا,
جامبىل وبلىسى, بايزاق اۋداندىق تاريحي-ولكەتانۋ مۋزەيىنىڭ عىلىمي قىزمەتكەرى