الماتىداعى بوتانيكالىق باقتا سيرەك كەزدەسەتىن رەگەل قىزعالداعى گۇلدەدى. شۋ-ىلە تاۋلارىنىڭ تاستى جانە جارتاستى بەتكەيلەرىندە وسەتىن ەندەميكالىق گۇل ەلىمىزدىڭ قىزىل كىتابىنا ەنگەن.
رەگەل قىزعالداعى اپپاق ءارى كۇلتەسىنىڭ ءتۇپ جاعى سارعىش تۇستىلىگىمەن كوز تارتادى. بوتانيكالىق باق توپتاماسىنا وسىدان ون جىل بۇرىن شاماسىندا اكەلىنىپ, الپيناري كوللەكتسيالىق ايماعىنا وتىرعىزىلعان قىزعالداقتىڭ جالعىز جاپىراعى تاراق ءتارىزدى تارام-تارام جولاقتى ءارى گوفرلەنگەن ماتا ءتارىزدى بولىپ كەلەدى.
كوكتەم ايىندا بوتانيكالىق باقتا رەگەل قىزعالداعىنان باسقا سيرەك كەزدەسەتىن لەممەرس, گرەيگ قىزعالداعى, پياز تۇرلەرى مەن باسقا دا كوپتەگەن وسىمدىك گۇلدەيدى. وسىعان وراي جاسىل-جەلەكتى باقتىڭ عالىمدارى كەلۋشىلەر ءۇشىن جابىق كوللەكتسيالىق ۋچاسكەگە ەكسكۋرسيالار ۇيىمداستىرىپ, تابيعاتتىڭ ەرەكشە تارتۋىمەن ءبولىسۋدى داستۇرگە اينالدىرعان.
الماتى