«قازگيدرومەت» ماماندارى 26 ساۋىرگە ارنالعان اۋا رايى بولجامىن ۇسىندى, دەپ حابارلايدى Egemen.kz.
بولجامعا سايكەس, قازاقستان اۋماعىنىڭ وڭتۇستىك, وڭتۇستىك-شىعىس, شىعىس بولىگىنە ءالى دە وڭتۇستىك تسيكلون اسەر ەتەدى جانە اتموسفەرالىق فرونتتاردىڭ وتۋىمەن نايزاعاي ويناپ, جاڭبىر جاۋادى, ەلدىڭ شىعىسىندا تۇندە قار, كۇندىز جاۋىن-شاشىن (جاڭبىر, قار), ەلدىڭ وڭتۇستىك-شىعىسىنداعى تاۋلى ايماقتاردا جاۋىن-شاشىن (جاڭبىر, قار) كۇتىلەدى, وڭتۇستىكتە, وڭتۇستىك-شىعىستا بۇرشاق, جاڭبىر, تاۋلى ايماقتاردا قاتتى جاۋىن-شاشىن (جاڭبىر, قار) جاۋادى.
رەسپۋبليكا بويىنشا جەل كۇشەيەدى, وڭتۇستىكتە جانە وڭتۇستىك-شىعىستا ەكپىندى جەل سوعادى. تەك ەلىمىزدىڭ باتىسى مەن سولتۇستىگىندە جاۋىن-شاشىنسىز اۋا رايى ساقتالادى.
« ۇلىتاۋ وبلىسىنىڭ شىعىسىندا تۇندە 2 گرادۋس اياز كۇتىلەدى», دەلىنگەن حابارلامادا.
ماڭعىستاۋ وبلىسىنىڭ باسىم بولىگىندە, ورتالىقتا, شىعىستا, قىزىلوردا وبلىسىنىڭ باتىسىندا جوعارى ءورت قاۋپى ساقتالادى.