25 ساۋىردە قىزىلوردا وبلىسىندا پارلامەنت سەناتىنا دەپۋتات سايلاۋى ءوتتى. ورتالىق سايلاۋ كوميسسياسىنىڭ مالىمەتى بويىنشا, ناۋرىزباي بايقاداموۆ سايلاۋشىلاردىڭ 78,91 پايىز داۋىسىن جيناپ, سەناتور بولىپ سايلاندى, دەپ حابارلايدى Egemen.kz.
بايقاداموۆ ناۋرىزباي سەيتقالي ۇلى — 1967 جىلى 10 شىلدەدە قىزىلوردا وبلىسى, ج. ماحامبەتوۆ اۋىلىندا دۇنيەگە كەلگەن. 1991 جىلى ن.گوگول اتىنداعى قىزىلوردا پەداگوگيكالىق ينستيتۋتىن «تاريح جانە فرانتسۋز ءتىلى» ماماندىعى بويىنشا بىتىرگەن. ەڭبەك جولىن 1991 جىلى قىزىلوردا وبلىسى, سىرداريا اۋدانىنداعى امانگەلدى اتىنداعى №139 مەكتەپ مۇعالىمى بولىپ باستاعان.
سونداي-اق سەناتورلىق قىزمەتكە قىزىلوردا وبلىسىنىڭ قوعامدىق دامۋ باسقارماسىنىڭ باسشىسى الماسبەك ەسماحانوۆ پەن قىزىلوردا وبلىسى بويىنشا سايلاۋ كوميسسياسىنىڭ باسشىسى ابايبەك ءجۇنىسوۆ تە ءوتىنىش بەردى.
قىرمىزى جۇماعاليقىزى,
ەۇۋ ستۋدەنتى