كۇن جىلىنىپ, قاردىڭ تەز ەرۋى سالدارىنان رەسپۋبليكالىق ماڭىزى بار اۆتوموبيل جولدارىندا سۋ تاسقىنى بولىپ, بىرنەشە جول بولىكتەرى جابىلدى, دەپ حابارلايدى Egemen.kz.
«قازاۆتوجول» مالىمەتىنشە, سولتۇستىك قازاقستان, قوستاناي وبلىستارىنىڭ 4 اۆتوجولىندا جالپى ۇزىندىعى 4 مىڭ 300 مەتر بولاتىن سۋ تاسقىنى بولعان.
اقتوبە, اتىراۋ, قوستاناي, سولتۇستىك قازاقستان وبلىستارىنداعى رەسپۋبليكالىق ماڭىزى بار 8 اۆتوموبيل جولىندا (ۇزىندىعى - 463 كم) قوزعالىسقا شەكتەۋ ەنگىزىلدى.
قازىرگى ۋاقىتتا رەسپۋبليكالىق جولداردا 306 بىرلىك تەحنيكا مەن 411 ادام جۇمىس ىستەپ ءجۇر.