بقو توتەنشە جاعدايلار دەپارتامەنتىنىڭ رەسمي وكىلى نۇرجان تولەۋىش ايماقتاعى احۋالدى باياندادى. ماماننىڭ ايتۋىنشا, وڭىردە سۋ تاسقىنى بويىنشا جاعداي كۇردەلى, دەپ جازادى Egemen.kz.
مامان «قازگيدرومەتتىڭ» مالىمەتىنە سۇيەنىپ, قازىرگى سۋ دەڭگەيى 8 مەتر 62 سانتيمەترگە جەتكەنىن مالىمدەدى. جايىقتاعى شەكتى قاۋىپ دەڭگەيى – 8 مەتر 50 سانتيمەتر. قازىر سۋ مولشەرى قاۋىپتى دەڭگەيدەن 12 سانتيمەترگە اسىپ كەتكەن.
نۇرجان تولەۋىش ايماقتاعى كۇردەلى كەزەڭ الداعى 25-26 ءساۋىر كۇندەرى ۋشىعۋى مۇمكىن ەكەنىن ايتتى.
ء«بىزدىڭ وبلىس بويىنشا قاۋىپتىڭ بەتى ءالى سەيىلمەدى. سۋ دەڭگەيى تاعى كوتەرىلەدى دەگەن بولجام بار. ورال قالاسىنىڭ تۇسىندا جايىق دەڭگەيى 25-26 ساۋىردە 9,5 مەترگە دەيىن جەتۋى مۇمكىن», دەدى وبلىستىق توتەنشە جاعدايلار دەپارتامەنتىنىڭ رەسمي وكىلى.