اتىراۋ وبلىسىنداعى قۇلسارى قالاسىندا «سەرگەك» كامەرالارى جۇمىس ىستەمەيدى. كامەرالار 4 ساۋىردە وشىرىلگەن, دەپ حابارلايدى Egemen.kz.
اتىراۋ وبلىستىق پوليتسيا دەپارتامەنتى اكىمشىلىك تاكتيكا بولىمشەسىنىڭ باسشىسى عاريفوللا تايشىباەۆتىڭ ايتۋىنشا, جىلىوي اۋدانىندا «سەرگەك» كامەرالارىنىڭ جۇمىسى توقتاتىلعان.
«قۇلسارى قالاسىندا «سەرگەك» باقىلاۋ كامەرالارى 4 ساۋىردە ءوشىرىلدى. سودان بەرى قالادا ەشقانداي قۇقىق بۇزۋشىلىق تىركەلگەن جوق. «كيبەر-شەريف» قوندىرعىسى بار اۆتوكولىكتەر قۇلسارى قالاسىنىڭ سىرتىنداعى تاسجولداردا قاۋىپسىزىكتى قاداعالاپ ءجۇر. توتەنشە جاعداي كەزىندە تىركەلگەن ايىپپۇلدار تۇرعىنداردىڭ شاعىم بەرۋى ارقىلى كەرى قارالادى. ايىپپۇل تولەۋ تۋرالى نۇسقاما كورسەتىلگەن مەكەنجايعا جىبەرىلەدى. تۇرعىندار شاعىمىن, جىلدامدىقتى قانداي قاجەتتىلىككە بايلانىستى اسىرعانىن دالەلدەيتىن قۇجاتتاردى ۇسىنۋى قاجەت. مىسالى, بالا-شاعاسىن ەۆاكۋاتسيالىق پۋنكتكە شۇعىل جاعدايدا اپارعان بولۋى مۇمكىن. سول مەكەنجاي بويىنشا سۇرانىس بەرىلىپ, مارشرۋتتىڭ سايكەستىگى تەكسەرىلگەن سوڭ شەشىم قابىلدانادى», دەپ ءتۇسىندىردى عاريفوللا تايشىباەۆ.