Telegram مەسسەندجەرىندە استانا مەكتەپتەرىندە جاپپاي تەرروريزم ۇيىمداستىرىلاتىنى تۋرالى حابارلاما تاراپ جاتىر. وسىعان بايلانىستى قالالىق پوليتسيا باسقارماسى مالىمدەمە جاسادى, دەپ جازادى Egemen.kz.
باسقارما اتا-انالاردى دۇربەلەڭگە سالىنباۋعا شاقىردى.
«مەسسەندجەرلەردە, سونىڭ ىشىندە Telegram-دا قالا مەكتەپتەرىندە تەرروريزم قاۋپى تۋرالى كەڭ تارالعان جاريالانىم شىندىققا جاناسپايتىنىن حابارلايمىز. قۇزىرلى ورگاندار ءبىلىم بەرۋ ۇيىمدارىن تەكسەردى», دەدى قالالىق پب ەكسترەميزمگە قارسى ءىس-قيمىل باسقارماسىنىڭ باسشىسى دانيار شىمىرقۇلوۆ.
ماماندار تۇرعىنداردان تىنىشتىقتى ساقتاۋدى جانە تەك رەسمي اقپاراتقا سەنۋدى سۇراپ, كورىنەۋ جالعان حابارلاما تاراتقانى ءۇشىن قىلمىستىق جاۋاپكەرشىلىك قاراستىرىلعانىن ەسكە سالدى.