الماتى وبلىسىندا كۇيەۋىنەن تاياق جەگەن ايەل ۇيىنە پوليتسيا شاقىرعان. ەر ادام ءتارتىپ ساقشىلارىنا دا باعىنباي, پوليتسەيلەرگە قارسى وق اتقان. اتالعان فاكتى بويىنشا سوتقا دەيىنگى تەرگەۋ باستالدى, دەپ حابارلايدى Egemen.kz.
الماتى وبلىسى پوليتسيا دەپارتامەنتى ءباسپاسوز قىزمەتىنىڭ مالىمەتىنشە, اتالعان فاكت 2024 جىلدىڭ 17 ساۋىرىندە تىركەلگەن.
«الماتى وبلىسىنا قاراستى ەلدىمەكەندەرىنىڭ بىرىندە اتىس قارۋىنان بەلگىسىز ەر ادام ەڭبەكشىقازاق اۋدانىنىڭ ۋچاسكەلىك پوليتسيا ينسپەكتورىنا وق اتقان. سالدارىنان پوليتسيا قىزمەتكەرىنىڭ قولىنا وق ءتيىپ, جارالاندى. جەرگىلىكتى كۇدىكتى ۇستالىپ, پوليتسياعا جەتكىزىلدى», - دەلىنگەن الماتى وبلىسى پد ءباسپاسوز قىزمەتىنىڭ حابارلاماسىندا.
سونداي-اق, ەر ادامنىڭ ماس بولعانى, قولدانعان تەگىس ۇڭعىلى مىلتىعىنىڭ اتىنا تىركەلگەنى دە ناقتىلانادى.
«ۇستالعان كۇدىكتىنىڭ ءىس-ارەكەتى قۇقىق قورعاۋ ورگانى قىزمەتكەرىنىڭ ومىرىنە قول سۇعۋدى كوزدەيتىن قىلمىستىق قۇقىق بۇزۋشىلىق بەلگىلەرىن قامتيدى. قاجەتتى ساراپتامالاردى تاعايىنداي وتىرىپ, اتالعان فاكتى بويىنشا سوتقا دەيىنگى تەرگەۋ امالدارى قولعا الىندى», - دەلىنگەن حابارلامادا.