3 مىڭعا جۋىق ساياجايدى سۋ باستى

سۋ تاسقىنى باستالعالى بەرى ورال قالاسى تۇسىندا جايىقتىڭ دەڭگەيى 6,5 مەترگە كوتەرىلدى. جايىق, شاعان, دەركول وزەن­دە­رىنىڭ تاسۋىنان سۋ جايىلماسىندا ورنالاسقان 2 994 ساياجاي ءۇيى سۋ ىشىندە قالدى.

بۇل كۇندەرى ورال قالاسىندا, جايىق بويىنداعى ەلدى مەكەندەردە 7 مىڭعا جۋىق ادام كۇنى-ءتۇنى جاعالاۋدى بەكىتىپ, قاپشىق توسەپ, قورعانىس بوگەتتەرىن سالىپ جاتىر. كەيىنگى دەرەككە قاراعاندا, 13 732 ادام قاۋىپسىز جەرگە ەۆاكۋاتسيالاندى. ولاردىڭ ىشىندە 5 703 بالا, مۇمكىندىگى شەكتەۋلى 19 ادام بار. ەۆاكۋاتسيالىق بەكەتتەردە 2 300 ادام ورنالاسقان. ونىڭ دا تەڭ جارىمى – بالالار. ال 11 432 ادام ۋاقىتشا تۋىستارىنىڭ ءۇيىن پانالاعان. 4 915 ءۇي جا­نۋارى قاۋىپسىز جەرگە ايدالدى.

وڭىردەگى اپاتتان قۇتقارۋ جۇمىستارىنا 6 507 ادام, 1 201 تەحنيكا, 196 سۋ سورۋ قۇرالى, 101 قايىق, 3 تىكۇشاق قاتىسىپ جاتىر. ەلىمىزدىڭ 7 وڭىرىنەن كەلگەن قۇتقارۋشىلار, اسكەري ءبولىم ساربازدارى مەن ەرىكتىلەر جۇمىلا جۇمىس ىستەپ جاتىر. وبلىس بو­يىنشا بارلىعى 1 020 مىڭ تەكشە مەتر ەرىگەن قار سۋى سورىلدى, 844 مىڭ دانا قاپشىق, 5 857 مىڭ توننا ينەرتتى ماتەريال توسەلدى.

جالپى, وڭىردە ەلدى مەكەندەردى تاسقىن سۋ ناۋرىزدىڭ 27-سىنەن باسا باستادى. كوپتەگەن جول ءب ۇلىندى. قازىردىڭ وزىندە سۋ شايىپ كەتكەن 24 جول پوليتسيا مەن توتەنشە قىزمەت وكىلدەرىنىڭ باقىلاۋىندا تۇر. 9 ەلدى مەكەنگە ءۇش اپتادان بەرى كولىك قاتىناسى جوق. بىراق ول جەردەگى تۇرعىندارعا ازىق-ت ۇلىك جەتكىزۋ, قاجەتتى زاتتارمەن قامتۋ ۇيىمداستىرىلعان. جاعداي – تولىق باقىلاۋدا.

وبلىستىق كاسىپكەرلىك جانە ين­دۋستريالدىق-يننوۆاتسيالىق دا­مۋ باسقارماسىنىڭ باسشىسى نۇرجان وتەپباەۆ وڭىردە سۋ تاسقىنىنا قارسى اتقارىلىپ جاتقان جۇمىستار تۋرالى ايتا كەلىپ, زارداپ شەككەن تۇرعىندارعا مەملەكەتتىك رەزەرۆ قورىنان, شەتەل مەن وزگە وڭىرلەردەن كەلگەن گۋمانيتارلىق كومەك تاراتىلىپ جاتقانىن ايتتى. سونىمەن قاتار جەرگىلىكتى نارىقتا الەۋمەتتىك ازىق-ت ۇلىك باعاسى ءوسىپ كەتپەۋى دە قاتاڭ قاداعالانىپ وتىر.

17 ساۋىردەگى جاعداي بويىنشا جايىق وزەنىندەگى سۋ دەڭگەيى ورال قالاسى تۇسىندا 779 سم-گە دەيىن جەتتى. وتكەن جىلى تاسقىننىڭ ەڭ جوعارى دەڭگەيى 557 سم بولعان ەدى. 850 سم بولعان كەزدە وزەن ارناسىنان اسادى, بۇل – قاۋىپتى دەڭگەي.

ال رەسەي شەكاراسىنا جا­قىن ەلدى مەكەندەر تۇسىندا سۋ دەڭگەيى 17 ءساۋىردىڭ تاڭىندا كۇرت كوتەرىلدى. بۇل – جوعارىدان كەلە جاتقان تاسقىن ەل ىرگەسىنە جەتتى دەگەن ءسوز. تاڭعى ساعات 8.00-دە باي­تەرەك اۋدانىنا قاراستى يانۆار­تسەۆ اۋلىنداعى گيدروبەكەتتە سۋ دەڭگەيى ءبىر تاۋلىكتە 16 سم-گە كوتەرىلگەنىن كورسەتتى. قازىرگى تاڭدا يانۆارتسەۆ اۋىلدىق وكرۋگى اۋما­عىن­دا 9 شاقىرىمداي بوگەت تۇر­عى­زىلعان. ونىڭ 5 شاقىرىمى – يانۆارتسەۆ اۋلىندا, 2 شاقىرىمى – سپارتاكتا, قالعانى – كيرسانوۆ پەن كراسنوارمەيسك قونىستارى تۇسىندا.

– مۇنداي كەزدە بوگەتتىڭ بيىكتىگى مەن ەنى ۇلكەن ءرول اتقارادى. 200-دەي اۋىل تۇر­عى­نى مەن بىزگە كومەككە كەلگەن 65 ساربازدىڭ جاردەمىمەن يانۆارتسەۆتىڭ وزىندە قۇم سالىنعان 14 مىڭ قاپ دايىندالدى. ەندى جاڭادان كەلگەن 10 مىڭ قاپتى تولتىرۋ جۇمىسى ءجۇرىپ جاتىر. وزەن سۋى بوگەتتەردىڭ توپىراعىن شايىپ كەتپەۋى ءۇشىن 3 مىڭ مەتر­دەي پوليەتيلەن تسەللوفانمەن قاپتالدى. تسەللوفان بەرىك تۇرۋى ءۇشىن قاپتاردى ق ۇلىپ ىسپەتتى قىلىپ ورنالاستىرىپ جاتىرمىز. بوگەتتى نىقتاۋ, جاعالاۋدى بەكىتۋ جۇمىسىمەن كيرسانوۆتا 50 اۋىل تۇرعىنى مەن 100 سارباز, كراسنوارمەيسكتە 30 تۇرعىن اينالىسىپ جاتىر, – دەيدى يانۆارتسەۆ اۋىلدىق وكرۋگىنىڭ اكىمى ابىلاي جۇماعاليەۆ.

باتىس قازاقستان وبلىسى