مەملەكەت باسشىسى قاسىم-جومارت توقاەۆ وسى جىلدىڭ 15 ناۋرىزىندا وتكەن ۇلتتىق قۇرىلتايدا «ايبىن» وردەنىنىڭ دارەجەلەرىنە باتىر بابالارىمىزدىڭ ەسىمىن بەرۋدى ۇسىنعان ەدى. ءماجىلىس ۇسىنىس بويىنشا وردەن دارەجەلەرىنە ەسىمى بەرىلەتىن باتىرلاردى بەكىتتى, دەپ جازادى Egemen.kz.
ءماجىلىس «قازاقستان رەسپۋبليكاسىنىڭ مەملەكەتتىك ناگرادالارى تۋرالى» زاڭعا ەنگىزىلەتىن تۇزەتۋلەردى قابىلدادى.
قازاق جاۋىنگەرلەرىن ماڭگى ەستە ساقتاۋ ماقساتىندا زاڭعا «ايبىن» وردەنىنىڭ ءارتۇرلى دارەجەسىنە ساعادات نۇرماعامبەتوۆ, باۋىرجان مومىش ۇلى جانە راقىمجان قوشقارباەۆ ەسىمدەرىن بەرۋ تۋرالى تولىقتىرۋلار ەنگىزىلدى.
قۇجات سەناتتىڭ قاراۋىنا جىبەرىلدى.