«قازاقستاننىڭ دامۋ بانكى» اق Vienna MTF الاڭىندا 100 ملرد تەڭگە سوماسىنا جانە اينالىس مەرزىمى 3 جىلعا ورنىقتى دامۋ ەۋرووبليگاتسيالارىنىڭ دەبيۋتتىك شىعارىلىمىن ءساتتى جۇزەگە اسىردى, دەپ جازادى Egemen.kz.
بۇل ورنالاستىرۋ تمد مەملەكەتتەرىنەن ەميتەنتتەردىڭ ەۋرووبليگاتسيالارىن شىعارۋدىڭ بۇكىل تاريحىندا جەرگىلىكتى ۆاليۋتاداعى بەيەگەمەندى ەميتەنت ءۇشىن تمد-دان تۇراقتى دامۋ ەۋرووبليگاتسيالارىنىڭ العاشقى شىعارىلىمى سانالادى. ورنالاستىرۋدان الىنعان قاراجات ءبىر مەزگىلدە جاسىل ءارى الەۋمەتتىك جوبالاردىڭ ولشەمدەرىنە سايكەس كەلەتىن جوبالاردى قارجىلاندىرۋعا جانە قايتا قارجىلاندىرۋعا باعىتتالادى.
احقو جاسىل قارجى ورتالىعى, ورتالىق ازيا وڭىرىندەگى جاسىل ءارى ورنىقتى باعالى قاعازداردى ۆەريفيكاتسيالاۋ بويىنشا ءابسوليۋتتى كوشباسشى سانالادى, ول جاسىل ءارى الەۋمەتتىك وبليگاتسيالار قاعيداتتارىنا, حالىقارالىق كاپيتال نارىعى قاۋىمداستىعىنىڭ ورنىقتى دامۋ وبليگاتسيالارى ستاندارتتارىنا, سونداي-اق جاسىل كرەديتتەۋ قاعيداتتارىنا, نەسيە نارىعى قاۋىمداستىعىنىڭ الەۋمەتتىك كرەديتتەۋ قاعيداتتارىنا, ازيا-تىنىق مۇحيتى نەسيە نارىعى قاۋىمداستىعى مەن سينديكاتتالعان نەسيە ءارى قايتالاما نەسيە نارىعى قاۋىمداستىعىنا سايكەس وسى شىعارىلىمعا وڭ قورىتىندى بەردى.
جقو ۇسىنعان Second-Party Opinion فورماتىنداعى سىرتقى باعالاۋعا سايكەس, بانك باسقارۋدىڭ, تارتىلعان قاراجاتتى ءبولۋدىڭ, جوبالاردى ىرىكتەۋدىڭ, تارتىلعان قاراجاتتى باسقارۋ ساپاسىنىڭ, ەكولوگيالىق ءارى الەۋمەتتىك ماڭىزى بار ىسكە اسىرىلىپ جاتقان جوبالار تۋرالى ەسەپتىلىكتىڭ جانە اقپاراتتى اشۋدىڭ تاماشا دەڭگەيىن كورسەتەدى.
«قازاقستاننىڭ دامۋ بانكىنىڭ ورنىقتى دامۋ ەۋرووبليگاتسيالارىن شىعارۋى ءبىزدىڭ وڭىردەگى ورنىقتى قارجى نارىعى ءۇشىن ماڭىزدى وقيعا بولدى. جاسىل قارجى ورتالىعى وسى دەبيۋتتىك شىعارىلىم اياسىندا ۆەريفيكاتور رەتىندە تاڭدالعانىن ماقتان تۇتامىز. بۇل قادام وڭىردەگى تۇراقتى قارجى قۇرالدارىن دامىتۋ ءۇشىن جاڭا پەرسپەكتيۆالار اشادى, سونداي-اق ەكولوگيالىق جانە الەۋمەتتىك جاۋاپتى قارجى نارىعىن قالىپتاستىرۋداعى ءبىزدىڭ ءرولىمىزدى راستايدى», دەدى جاسىل قارجى ورتالىعىنىڭ ديرەكتورلار كەڭەسىنىڭ توراعاسى دانيار كەلبەتوۆ.
انىقتاما ءۇشىن. احقو جاسىل قارجى ورتالىعى ورتالىق ازياداعى تۇراقتى قارجى قۇرالدارىن ۆەريفيكاتسيالاۋ جونىندەگى حالىقارالىق ادىسنامالىق ورتالىقتار اككرەديتتەگەن جالعىز ۇيىم بولا وتىرىپ, وڭىردەگى ورنىقتى قارجى نارىعىن دامىتۋعا بەلسەندى ىقپال ەتەدى. قازىرگى ۋاقىتتا جقو مىناداي قور الاڭدارىندا تۇراقتى وبليگاتسيالار شىعارۋ بويىنشا ەميتەنتتەرمەن تىعىز جۇمىس ىستەپ جاتىر: احقو بيرجاسى (قازاقستان), قازاقستان قور بيرجاسى (قازاقستان), تاشكەنت قور بيرجاسى (وزبەكستان), ورتالىق ازيا قور بيرجاسى (تاجىكستان), باكۋ قور بيرجاسى (ازەربايجان) جانە قىرعىز قور بيرجاسى (قىرعىزستان).