پاۆلودار وبلىسى جەلەزين اۋدانىنىڭ بالاباقشالارى مەن مەكتەپتەرىندە اۋىر قىلمىستارى ءۇشىن سوتتالعان ادامدار جۇمىس ىستەگەن, دەپ حابارلايدى Egemen.kz.
جەلەزين اۋدانىندا جۇرگىزىلگەن پروكۋرورلىق تەكسەرىس بارىسىندا اۋىر قىلمىس جاساعان, سونداي-اق پسيحيكالىق اۋرۋلارى بار ادامداردىڭ ءبىلىم بەرۋ ۇيىمدارىندا قىزمەت ەتكەنى انىقتالدى.
مىسالى, بالاباقشالاردىڭ بىرىندە كىسى ولتىرگەنى ءۇشىن سوتتالعان ادام شامامەن 5 جىل جۇمىس ىستەگەن.
- بىرنەشە ءبىلىم بەرۋ مەكەمەسىندە ۇرىپ-سوققانى جانە سوققىعا جىققانى ءۇشىن جاۋاپقا تارتىلعان جۇمىسشىلار انىقتالدى. مۇندايعا ەڭبەك زاڭناماسىندا تىكەلەي تىيىم سالىنعان. جەلەزين اۋداندىق پروكۋراتۋراسى قابىلداعان شارالاردىڭ ناتيجەسىندە جوعارىدا اتالعان ادامدار جۇمىستان شىعارىلىپ, باسشىلارى تارتىپتىك جازاعا تارتىلدى, – دەپ حابارلادى پاۆلودار وبلىسى پروكۋراتۋراسىنىڭ ءباسپاسوز قىزمەتى.
پروكۋرورلاردىڭ سوزىنشە, جالپى 500-دەن استام كامەلەتكە تولماعان ازاماتتىڭ قۇقىعى قورعالعان.