ءماجىلىس دەپۋتاتتارىنىڭ ەلىمىزدىڭ سۋ باسقان وڭىرلەرىنە ساپارى جالعاسىپ جاتىر. كەشە ەدىل جاڭبىرشين, ابزال قۇسپان, رينات زايتوۆ, ماقسات تولىقباي جانە نارتاي سارسەنعاليەۆ اتىراۋ قالاسىندا, ماحامبەت اۋدانى مەن قۇلسارى قالاسىندا بولدى, دەپ حابارلايدى Egemen.kz.
ساپار بارىسىندا ماجىلىسمەندەر اتىراۋ وبلىسىندا سۋ تاسقىنىن الدىن الۋعا اتسالىسىپ, سۋ باسقان ەلدى مەكەندەردىڭتۇرعىندارمەن كەزدەسىپ, زارداپ شەككەن اۋداندار مەن اۋىلداردى ارالادى.
جايىق وزەنىنەن ساقتانىپ, بوگەت سالىپ جاتقان المالى اۋىلىنىڭ تۇرعىندارىمەن كەزدەسۋدە نارتاي سارسەنعاليەۆ باستى ماقسات ەلدى مەكەندەردى تاسقىن سۋدان امان الىپ قالۋ ەكەنىنە ەرەكشە نازار اۋداردى.
«جايىق وزەنى كۇنىنە 20 سانتيمەترگە كوتەرىلىپ جاتىر. قازىر مۇندا المالىنى ارالعا اينالدىرىپ بوگەتپەن قورشاۋدا. سۋدىڭ قاتتى سوققانى سونشا, تۇتاس تاس قابىرعالاردى وپىرىپ تاستاۋدا. ماحامبەت اۋدانىنا دا ات باسىن تىرەدىك. جايىق الدىمەن وسىندا سوعادى. ماحامبەت اۋدانىندا جالپى 21 ەلدى مەكەن بار ەكەن. سونىڭ ىشىندەگى 17 اۋىل جايىقتىڭ تۋرا جانىندا تۇر», دەدى نارتاي سارسەنعاليەۆ.
ءماجىلىس دەپۋتاتى ماقسات تولىقباي اتىراۋدىڭ ءبىراز بولىگىن ساقتاپ قالۋعا مۇمكىندىك بار ەكەنىن ايتىپ, رەسەيدەن ۇلكەن نوپىرمەن سۋ كەلە جاتقانىنا الاڭداۋشىلىق ءبىلدىردى.
«باتىس قازاقستان وبلىسىنا دا قيىن بولايىن دەپ تۇر. ەشكىمگە وڭاي ەمەس. قازىر اتىراۋدى اينالدىرا قورشايتىن 21 شاقىرىمدامبا سالىنىپ جاتىر. ۋاقىت از. وعان قوساجايىق وزەنى اتىراۋدىڭ ىشىمەن اعىپ وتەدى. كاسىپكەرلەر دە قول ۇشىن سوزىپ, تەحنيكاسىنا دەيىن بەرىپ جاتىر. اسكەريلەر جۇمىلدىرىلدى. ءوز قالتاسىنان اقشا شىعارعان ارىپتەس دەپۋتاتتارعا, كۇن-ءتۇن دەمەي كومەك قولىن سوزىپ جاتقان اتىراۋ, المالى, يساتاي, ماحامبەت جانە تاعى باسقا اۋىل تۇرعىندارىنا العىسىمىز شەكسىز. «AMANAT» پارتياسىنىڭ دا ۇيىمداستىرۋىمەن ازىق-ت ۇلىك, قاپ, قوسىمشا جۇمىس كۇشى, تەحنيكا كەلىپ جاتىر», دەدى ماقسات تولىقباي.
قۇلسارى قالاسىنىڭ تۇرعىندارىمەن كەزدەسۋدە ەدىل جاڭبىرشين جالعان اقپاراتقا ەرمەي, بۇل قيىن جاعدايدان بىرىگىپ شىعۋ كەرەكتىگىنە باسا ءمان بەردى.
سونىمەن قاتار دەپۋتاتتار سۋ باسقان بىرنەشە شاعىن اۋدانداردى ارالاپ, جۇرتتىڭ تالاپ-تىلەگىن اتىراۋ وبلىسىنىڭ اكىمىنە جەتكىزدى.
«ارنايى كوميسسيا جەرگىلىكتى بەلسەندىلەردى كىرگىزىپ, ساپالى جۇمىس اتقارۋى كەرەك. كوميسسيا تۇرعىن ۇيلەردى سۋ كەتكەننەن كەيىن ەمەس, قازىرگى جاعدايىن ەسكەرىپ باعالاۋعا ءتيىس», دەدى ەدىل جاڭبىرشين.
ايتا كەتۋ كەرەك, تابيعي اپات سالدارىنان قۇلسارىدا 2400 ءۇي سۋ استىندا قالعان, ونىڭ 200-دەن استامى قۇلاعان. بۇگىنگى كۇنى قالادا سۋدىڭ دەڭگەيى 60 سم-گە دەيىن تومەندەگەن. قازىر قالادا سۋ باسقان ۇيلەردى قۇرعاتۋ جۇمىستارى ءجۇرىپ جاتىر. وعان ارنايى 58 بىرلىك تەحنيكا جانە 50 ادام جۇمىلدىرىلعان. بۇگىنگى كۇنگە دەيىن 7 800 تەكشە مەتر سۋ شىعارىلعان.
بۇگىن دەپۋتاتتاردىڭ ساپارى باتىس قازاقستان وبلىسىندا جالعاسىپ جاتىر.