ۇلتتىق بانكتىڭ اقشا-كرەديت ساياساتى كوميتەتى بازالىق مولشەرلەمەنى جىلدىق 14,75%-دا ساقتاۋ تۋرالى شەشىم قابىلدادى. بۇل شەشىم ينفلياتسيانىڭ 5%-دىق ماقساتتى كورسەتكىشىنە قول جەتكىزۋ ءۇشىن قابىلداندى, دەپ جازادى Egemen.kz.
اقپاندا جانە ناۋرىزدا جىلدىق ينفلياتسيا تومەندەدى. بىراق سىرتقى ينفلياتسيالىق جاعداي بەيتاراپ تۇردە قالىپتاسىپ وتىر. الەمدىك نارىقتاردا استىق باعاسى تومەندەپ كەلەدى. ىشكى ەكونوميكادا ورنىقتى ىشكى سۇرانىسقا جانە تۇراقتانباعان ينفلياتسيالىق بولجامعا بايلانىستى ينفلياتسيالىق قىسىم بار.
«ينفلياتسيا بويىنشا بەس پايىزدىق ماقساتقا جەتۋ ءۇشىن ۇستامدى قاتاڭ اقشا-كرەديت شارتتارىن ساقتاۋ قاجەت. قازىرگى جاعدايدا اقشا-كرەديت ساياساتىن جەڭىلدەتۋگە ارنالعان كەڭىستىك ءالى دە شەكتەۋلى. ونىڭ قالىپتاسۋى ينفلياتسيانىڭ ورنىقتى بولىگىنىڭ تۇراقتى تۇردە باياۋلاۋىنا بايلىنىستى», دەپ مالىمدەدى ۇلتتىق بانك.
جىلدىق ينفلياتسيا ناۋرىز ايىندا 9.1% تومەندەدى. اۋىتقۋ قۇبىلىسى تۇرعىن ءۇي-كوممۋنالدىق قىزمەتتەر باعاسىنىڭ مەيلىنشە تەز ءوسۋ اسەرىنەن ورىن الىپ وتىر. ۇستامدى قاتاڭ اقشا-نەسيە ساياساتى مەن استىقتىڭ الەمدىك باعاسىنىڭ تومەندەۋى ينفلياتسيانىڭ تومەندەۋىنە اكەلدى. ال ايلىق ينفلياتسيا ناۋرىزدا 0.7% باياۋلادى.
حالىقتىڭ ينفلياتسيالىق ءبولجامدارى بىرشاما تومەندەدى. الايدا كۇتۋلەر ءالى دە جوعارى دەڭگەيدە. بۇل نەگىزىنەن تاماق ونىمدەرى, تكق مەن جانار-جاعارماي باعاسىنىڭ وسۋىنە بايلانىستى.
سىرتقى ينفلياتسيالىق جاعداي بەيتاراپ تۇردە قالىپتاسىپ وتىر. ناۋرىزدا وسىمدىك مايى باعاسىنىڭ كوتەرىلۋىنەن الەمدىك نارىقتاردا ازىق-ت ۇلىك قۇنى ازداپ ءوستى. ەكسپورتتاۋشى ەلدەردە جينالعان ءونىمنىڭ ەسەبىنەن جانە تەڭىز ارقىلى ساۋدا جولدارىنىڭ ۇزدىكسىز جۇمىس ىستەۋىنە بايلانىستى استىق باعاسى تومەندەپ كەلەدى.
مۇناي باعاسى بازالىق ستسەناريدەن ءسال جوعارى قالىپتاسىپ وتىر. بۇل قازاقستاننىڭ ساۋدا بالانسىنا وڭ اسەر ەتەدى. بىراق مۇنايدىڭ جوعارى باعاسى سىرتقى ينفلياتسيالىق اسەردىڭ ارتۋىنا سەبەپ بولۋى مۇمكىن.
«سىرتقى اقشا-نەسيە جاعدايلارى قاتاڭ قالپىندا قالىپ وتىر. 2024-2025 جىلدارى اقش فرج مولشەرلەمەلەردى مەيلىنشە ۇستامدى تۇردە تومەندەتەدى دەگەن بولجام بار. ەوب 2024 جىلى ەكونوميكالىق ءوسىم مەيلىنشە ءالسىز بولادى دەگەنگە قاراماستان, ينفلياتسيا ورتا مەرزىمدى نىساناعا قايتارىلعانشا تەجەۋىش اقشا-نەسيە شارتتارىن ساقتاۋدى جوسپارلاپ وتىر», دەلىنگەن ۆەدوموستۆو حابارلاماسىندا.
مالىمدەۋىنشە, پروينفلياتسيالىق تاۋەكەلدەر رەتتەلەتىن باعالارداعى رەفورمالار, قازاقستانداعى سۋ تاسقىنىنىڭ سالدارى, سونداي-اق ولاردى جويۋ ءۇشىن قاجەت شىعىننىڭ بەلگىسىز بولۋىنا بايلانىستى.
«ۇلتتىق بانك ورتامەرزىمدى پەرسپەكتيۆادا ينفلياتسيا بويىنشا 5%-دىق ماقساتقا جەتۋ مىندەتىن ۇستانادى. بۇل ۇزاق ۋاقىت بويى ۇستامدى قاتاڭ اقشا-كرەديت ساياساتىن جۇرگىزۋدى قاجەت ەتەدى. ۇب رەتتەلەتىن باعالار رەفورماسى سەكىلدى بىرجولعى فاكتورلاردى ەسكەرمەيتىن ينفلياتسيانىڭ ورنىقتى بولىگىن باقىلاي تۇسەدى. ينفلياتسيانىڭ ورنىقتى بولىگىنىڭ تۇراقتى تۇردە باياۋلاۋى بازالىق مولشەرلەمەنىڭ تومەندەۋىنە كەڭىستىك قالىپتاستىرادى», دەلىنگەن حابارلامادا.