12 ساۋىردە قاتتى جاۋىن-شاشىننىڭ سالدارىنان كۇرشىم اۋدانىنداعى قالعۇتى وزەنىنىڭ سۋى ارناسىنان شىعىپ, جازىق اۋماققا جايىلدى, دەپ حابارلايدى Egemen.kz.
كۇرشىم اۋدانى اكىمدىگىنىڭ حابارلاۋىنشا, وبلىستىق ماڭىزى بار «كۇرشىم-اقسۋات» جولىنىڭ 23 كم شاقىرىمىندا تاس جولدى شايىپ كەتۋ قاۋپى تونگەندىكتەن, جينالعان سۋدى وتكىزۋگە ارنالعان ارنا سالىندى. جول امانات, جولنىساۋ جانە اقسۋات ەلدى مەكەندەرىن جالعايدى.
قازىرگى تاڭدا, تۇرعىندار اۋىلدارعا اينالما جولمەن جەتەدى. اتالعان ەلدى مەكەندەردە بارلىعى 705 ادام تۇرادى. قازىرگى ۋاقىتتا جولدى قالپىنا كەلتىرۋ جۇمىستارىنا قاجەتتى ماتەريالدار دايىندالىپ, تاسىمالدانىپ جاتىر. سۋ دەڭگەيى تومەندەگەننەن كەيىن جوندەۋ جۇمىستارى بىردەن باستالماق.
سونداي-اق, كۇرشىم اۋدانىنىڭ اكىمى, «وبلشىعىسجول» جشس, كوممۋنالدىق كاسىپورىنداردىڭ وكىلدەرى وقيعا ورنىندا جۇرگەنىن حابارلايمىز.