ەلىمىزدەگى سۋ تاسقىنى سالدارىنان اۋىر جاعدايعا تۇسكەن ازاماتتارعا كومەك كورسەتۋ ماقساتىندا Kusto Group 400 ملن تەڭگە بولگەنى تۋرالى مالىمدەدى. زارداپ شەككەن ايماقتارعا قاراجات KustoHelp جەكە قورى ارقىلى بولىنەدى.
«تابيعي اپاتتان زارداپ شەككەن وتانداستارىمىزعا جاناشىرلىق پەن قولداۋ بىلدىرەمىز. ەل باسشىلىعى, قۇزىرەتتى مەملەكەتتىك ورگاندار, ەرىكتىلەر مەن ازاماتتار ادام قۇرباندارىن توقتاتۋ مەن الدىن الۋ, زارداپ شەككەندەرگە كومەك كورسەتۋ جانە سۋ تاسقىنىنىڭ سالدارىن جويۋ ءۇشىن قولدان كەلگەننىڭ ءبارىن جاساپ جاتىر. ءبىز وسى جۇمىسقا قوسىلامىز جانە اپاتتان زارداپ شەككەن وتانداستارعا بارىنشا كومەك كورسەتەمىز», دەدى Kusto Group نەگىزىن قالاۋشى ەركىن تاتىشەۆ.
ورايى كەلىپ تۇرعاندا, Kustohelp قايىرىمدىلىق قورىن Kusto Group حالىقارالىق كومپانياسى قۇرعانىن ايتا كەتۋ كەرەك. قور قازاقستان رەسپۋبليكاسىندا covid-19 كوروناۆيرۋس پاندەمياسى سەبەبىنەن جاريالانعان توتەنشە جاعداي كەزەڭىندە حالىقتىڭ بارىنشا زارداپ شەككەن جانە وسال توپتارىنا 1 ملرد تەڭگەدەن استام كولەمدە قارجىلىق كومەك كورسەتتى.