دەنساۋلىق ساقتاۋ مينيسترلىگى مەن «Samruk-Kazyna Trust» كق «مەديتسينالىق پويىزدار» جوباسى شەڭبەرىندە جاۋاپكەرشىلىكتى كۇشەيتۋ جانە ءوزارا ءىس-قيمىلدى نىعايتۋ بويىنشا ىنتىماقتاستىق تۋرالى مەموراندۋمعا قول قويدى. «جاردەم» مامانداندىرىلعان مەديتسينالىق پويىزى تۇرعىنداردى بىلىكتى تەگىن مەديتسينالىق كومەكپەن قامتاماسىز ەتۋ ماقساتىندا 20 ساۋىردە شالعايداعى اۋىلدارعا جانە ستانتسيالارعا جۇرە باستايدى, دەپ حابارلايدى Egemen.kz.
دەنساۋلىق ساقتاۋ ءمينيسترىنىڭ ايتۋىنشا, اتالعان كولىك مەديتسيناسى شاراسى مەملەكەت باسشىسىنىڭ تاپسىرماسىن ىسكە اسىرۋ شەڭبەرىندە ۇيىمداستىرىلدى.
«مەديتسينالىق پويىز اۋىل تۇرعىندارىنا مەديتسينالىق زەرتتەپ-قاراۋلاردىڭ, دياگنوستيكالىق قىزمەتتەردىڭ, ارنايى مامانداردىڭ كەڭ اۋقىمىنا قول جەتكىزۋگە مۇمكىندىك بەرەدى جانە ەمدەۋگە جاتقىزۋعا جولداما الا الادى», دەپ اتاپ ءوتتى مينيستر.
ۆەدومستۆونىڭ ءباسپاسوز قىزمەتى ءمالىم ەتكەندەي, مەديتسينالىق پويىز 140 ستانتسياعا بارادى, وندا 92 مىڭنان استام ادام زەرتتەلىپ-قارالىپ, ەمدەلەدى, دارىگەرلەر 100 مىڭنان استام قابىلداۋ وتكىزەدى.
تاسقىن احۋالىن ەسكەرە وتىرىپ, زارداپ شەككەن اۋىلدىق ەلدى مەكەندەردىڭ تۇرعىندارى مەديتسينالىق پويىز قىزمەتتەرىمەن قامتىلادى.