الەمدەگى ەڭ ۇلكەن قۇران كارىم نۇسقاسىنىڭ ءبىرىن ۇندىستانداعى قۇسني حاتشى ءماۋلانا ءجامىل احماد دايىنداپ شىقتى. ۇزىندىعى 3,2 مەتر, ەنى 2,3 مەتر كىتاپتىڭ كوشىرمەسىن جاساۋعا شەبەر ەكى جىل ۋاقىتىن جۇمساعان ەكەن.
شەبەردىڭ ايتۋىنشا, بۇل وي وعان ەلگە دەگەن ماحابباتتان كەلگەن. «ەڭ ۇلكەن قۇران كارىم نۇسقاسىن دايىنداۋ ارقىلى مەن 200 ملن مۇسىلمان تۇراتىن وتانىمىزدىڭ تۇعىرىن بيىكتەتۋدى ماقسات تۇتتىم», دەيدى ول.
ءيا, ناقىشكەرلىككە اسقان ىجداعات, تولايىم ءتوزىم كەرەك. قاسيەتتى كىتاپتى وسىنداي ۇلكەن كولەمدە جاساپ شىعۋ شەبەردىڭ ءوتانپارۋار كوڭىلىنەن تۋىپ وتىرعانى بەلگىلى. وسى ورايدا حاكىمدەر قالدىرعان مىنا حيكمەتتىڭ ويعا ورالىپ وتىرعانى: «جاراتۋشىنىڭ ادامزاتقا جىبەرگەن ەكى قۇرانى بار. ءبىرى – حاتقا تۇسكەن كادىمگى قۇران. ال ەكىنشىسى – تابيعاتتىڭ سىرى مەن قۇپياسى. انىعىندا ەڭ ۇلكەن قۇران – وسى».