قىرعىزستان پرەزيدەنتى سادىر جاپاروۆ قازاقستانعا كەلەدى, دەپ حابارلايدى Egemen.kz 24.kg سايتىنا سىلتەمە جاساپ.
سادىر جاپاروۆتىڭ قازاقستانعا رەسمي ساپارى 18-19 ساۋىردە وتەدى.
قىرعىزستاننىڭ قازاقستانداعى ەلشىسى داستان ديۋشەكەەۆ ەكى ەل باسشىلارى جوعارى مەملەكەتارالىق كەڭەس وتىرىسىن وتكىزەتىنىن ايتتى. تاراپتار ەكىجاقتى ىنتىماقتاستىقتىڭ وزەكتى ماسەلەلەرىن تالقىلايدى.
سونىمەن قاتار سادىر جاپاروۆ قازاقستانداعى قىرعىز كينوسى كۇندەرىنىڭ اشىلۋىنا جانە باسقا دا مادەني ءىس-شارالارعا قاتىسادى.
ەسكە سالايىق, بۇعان دەيىن پرەزيدەنت قاسىم-جومارت توقاەۆ سادىر جاپاروۆپەن تەلەفون ارقىلى سويلەسىپ, وعان جانە قىرعىز حالقىنا سۋ تاسقىنىنا بايلانىستى گۋمانيتارلىق كومەك كورسەتكەنى ءۇشىن العىسىن بىلدىرگەن ەدى.