«باتىس قازاقستان وبلىسىندا ءسىبىر جاراسىنا شالدىققان جانۋارلار كومىلگەن جەرلەر تاسقىن سۋ استىندا قالىپ, اينالاعا قاتەرلى دەرت تارالۋ قاۋپى تۋدى» دەگەن اقپارات تاراعان ەدى. وسى وقيعاعا وراي ءتيىستى مەكەمە باسشىلارى تۇسىنىكتەمە بەردى, دەپ حابارلايدى Egemen.kz.
«بۇگىنگى تاڭدا باتىس قازاقستان وبلىسىنداعى سۋ باسقان وڭىرلەردە 13 ەمەس, 3 كومىندى سۋ استىندا قالعانى راس. بىراق ءسىبىر جاراسىنىڭ اۋرۋ قوزدىرعىشتارى ەرىگەن سۋمەن تارالادى دەگەن ءسوز شىندىققا جاناسپايدى. ويتكەنى كومىندىلەردىڭ بارلىعى ۆەتەريناريالىق-سانيتاريالىق تالاپتارعا ساي: بەتوندالعان جانە قورشالعان. قورشاعان ورتاعا ەشقانداي قاۋىپ ءتونىپ تۇرعان جوق», دەدى وبلىستىق ۆەتەريناريا باسقارماسى باسشىسىنىڭ ورىنباسارى ابزال بىراليەۆ.
وسى مەكەمەنىڭ ءبولىم باسشىسى نۇرقايىر قۇسايىنوۆتىڭ ايتۋىنشا, سۋ باسقان مۇنداي ورىنداردى ارنايى ماماندار بارىپ تەكسەرەدى, جابىندى ب ۇلىنگەنى بايقالسا, قايتا قالپىنا كەلتىرىلەدى. بۇل ورىنداردىڭ اينالاسىنداعى ەلدى مەكەندەردىڭ مالى قازىردىڭ وزىندە ءسىبىر جاراسىنا قارسى ەگىلىپ جاتىر.
بيىلعى سۋ تاسقىنى كەزىندە دە مىڭداعان مال شىعىنعا ۇشىرادى. وبلىستا الدىن-الا مالىمەت بويىنشا سۋ تاسقىنى سالدارىنان 219 باس ءىرى قارا, 1 552 قوي-ەشكى, 54 جىلقى, 97 شوشقا جانە 119 ءۇي قۇسى ولگەن. اۋدانداردا قۇرىلعان ارنايى كوميسسيالار مال شىعىنىن ءالى ەسەپتەپ جاتىر. سەبەبى كەيبىر ەلدى مەكەندەر ءالى سۋدا تۇر, كەيبىرىنە جول قاتىناسى ۇزىلگەن.
قازىر ماماندار سۋ تاسقىنىنان ولگەن مالدى ۆەتەريناريالىق-سانيتاريالىق تالاپتار بويىنشا جويۋعا كىرىستى. جاعداي باقىلاۋدا.
وبلىس اۋماعىندا بىرقاتار ەلدى مەكەندى سۋ باسۋى سالدارىنان 2 351 باس ءىرى قارا, 2 482 قوي-ەشكى, 52 باس جىلقى جانە 1 تۇيە قاۋىپسىز اۋماققا كوشىرىلدى.
باتىس قازاقستان وبلىسى