توتەنشە جاعدايلار مينيسترلىگى اتىراۋ وبلىسى قۇلسارى قالاسىنداعى سوڭعى احۋالدى جاريالادى, دەپ جازادى Egemen.kz.
5 ءساۋىر تۇنگى 22.45-تەگى جاعداي بويىنشا قۇلسارىدا 2500-گە جۋىق جەكە تۇرعىن ءۇي مەن اكىمشىلىك عيماراتتى سۋ باسقان.
قۇتقارۋشىلار جانە وزگە دە تارتىلعان كۇش-قۇرالدار حالىقتى ەۆاكۋاتسيالاۋدى جالعاستىرىپ جاتىر.
وسى ساعاتتا 4 مىڭنان استام ادام, ونىڭ ىشىندە 1 مىڭنان استام بالا قاۋىپسىز جەرگە كوشىرىلگەن.
ەسكە سالا كەتەلىك, بۇدان بۇرىن تاسقىن سۋدىڭ قاۋپىنە بايلانىستى جىلىوي اۋدانىندا توتەنشە جاعداي جاريالاندى.