توتەنشە جاعدايلار مينيسترلىگىنىڭ داعدارىس ورتالىعىندا ۆيتسە-پرەمەر – سۋ تاسقىنىنا قارسى شارالاردى ۇيلەستىرۋ جانە قارعىن سۋ ءجۇرۋ كەزەڭىنىڭ سالدارىن جويۋ جونىندەگى رەسپۋبليكالىق شتاب باسشىسىنىڭ ورىنباسارى قانات بوزىمباەۆ پەن توتەنشە جاعدايلار ءمينيسترى شىڭعىس ءارىنوۆتىڭ قاتىسۋىمەن كەڭەس ءوتتى.
3 ساۋىردەگى جاعداي بويىنشا ەلدەگى سۋ تاسقىنىنا قاتىستى احۋال ءالى دە كۇردەلى. 6 وڭىردە 1 364 جەكەمەنشىك تۇرعىن ءۇيدى سۋ باسقان. اۆتوجولداردىڭ 105 ۋچاسكەسىندە سۋ جايىلعان. 78 جول ۋچاسكەسىندە ب ۇلىنگەن جەرلەردى جانە 4 كوپىردى قالپىنا كەلتىرۋ جۇمىستارى جۇرگىزىلىپ جاتىر. 64 ەلدى مەكەنگە كولىك قاتىناسى جوق, ولارعا ازىق-ت ۇلىك پەن ءدارى-دارمەك جەتكىزىلىپ جاتىر.
سۋ باسقان ايماقتاردان تۇرعىنداردى ەۆاكۋاتسيالاۋ تاۋلىك بويى جۇرگىزىلىپ جاتىر. وتكەن تاۋلىكتە قۇتقارۋشىلار 1 524 ادامدى, ونىڭ ىشىندە 496 بالانى ەۆاكۋاتسيالادى.
سۋ تاسقىنىنا قاتىستى احۋالدى باعالاۋ ءۇشىن 1-3 ءساۋىر ارالىعىندا ۆيتسە-پرەمەر مەن توتەنشە جاعدايلار ءمينيسترى قاراعاندى, قوستاناي جانە اقمولا وبلىستارىنىڭ اۋماعىن اۋەدەن بارلادى. اقمولا وبلىسىنداعى ارشالى, تسەلينوگراد اۋداندارى مەن قوسشى قالاسىنىڭ اۋماعىن زەرتتەدى, سونداي-اق پرەوبراجەنسكي سۋ تورابىنا باردى.
قازىرگى ۋاقىتتا وبلىستا قار جامىلعىسى شامامەن 76% قۇرايدى. تجم كۇشتەرى مەن قۇرالدارىن تسەلينوگراد, ارشالى, اتباسار, ساندىقتاۋ اۋداندارىنىڭ, كوكشەتاۋ جانە قوسشى قالالارىنىڭ 17 ەلدى مەكەنىنە ءبولۋ ۇيىمداستىرىلدى.
قاراعاندى وبلىسىنىڭ اۋماعىندا قار جامىلعىسى شامامەن 34% قۇرايدى. وبلىستا الدىن الۋ ءىس-شارالارى, ونىڭ ىشىندە جاعالاۋدى نىعايتۋ جۇمىستارى جانە قاپشىقتاردى توسەۋ جۇمىستارى جۇرگىزىلۋدە. بارلىعى 700-گە جۋىق ادام جانە 118 بىرلىك تەحنيكا جۇمىلدىرىلدى. قازىر جاعداي تۇراقتى.
قوستاناي وبلىسى بويىنشا قار جامىلعىسى شامامەن 71%. 75 تۇرعىن ءۇي مەن 38 اۋلا اۋماعىن سۋ باسقان. اتالعان ەلدى مەكەندەرگە تجم-ءنىڭ شىعىس قازاقستان, قاراعاندى جانە قىزىلوردا وبلىستارىنان بارعان قوسىمشا كۇشتەرى مەن قۇرالدارى تارتىلدى, جاعالاۋدى نىعايتۋ جۇمىستارى جۇرگىزىلىپ جاتىر.
قازىر ارقالىق قالاسى مەن امانگەلدى اۋدانىندا جاعداي تۇراقتالدى. جانگەلدى اۋدانىندا جاعداي ءالى كۇردەلى. اكىمدىك بارلىق قاجەتتى شارالاردى قابىلداپ جاتىر.
وڭىرلەردە شىعىندى باعالاۋ بويىنشا جۇمىستار باستالدى. تاۋلىك بويى مونيتورينگ جۇرگىزىلىپ جاتىر. الداعى كۇندەرى ەلىمىز بويىنشا جاۋىن-شاشىن جانە تەمپەراتۋرالىق فوننىڭ كۇرت كوتەرىلۋى كۇتىلۋدە, بۇل قاردىڭ قارقىندى ەرۋىنە اكەلەدى.
كەڭەس قورىتىندىسىندا رەسپۋبليكالىق شتاب باسشىسىنىڭ ورىنباسارى وڭىرلەردىڭ اكىمدىكتەرىنە قاۋىپسىزدىكتى قامتاماسىز ەتۋ, سۋ باسقان ايماقتاردان ادامداردى الدىن الا ەۆاكۋاتسيالاۋ جانە قۇتقارۋ جونىندە قاجەتتى شارالار قابىلداۋ تۋرالى ءتيىستى تاپسىرمالار بەردى.