وقۋ-اعارتۋ ءمينيسترى عاني بەيسەمباەۆ وڭىرلىك ءبىلىم باسقارمالارى باسشىلارى قاتىسۋىمەن وتكەن اپپاراتتىق كەڭەستە سۋ تاسقىنىنان زارداپ شەككەن ايماقتارداعى بالالاردى ەلىمىزدەگى ەڭ ۇزدىك جازعى ساۋىقتىرۋ ورتالىقتارىنا جىبەرۋدى تاپسىردى, دەپ حابارلايدى Egemen.kz اتالعان ۆەدومستونىڭ ءباسپاسوز قىزمەتىنە سىلتەمە جاساپ.
مينيستر وقۋ پروتسەسىن ساپالى ۇيىمداستىرا وتىرىپ, بالالار قاۋىپسىزدىگىن جانە قۇقىقتارىن قورعاۋعا ەرەكشە نازار اۋدارۋ قاجەت ەكەنىن اتاپ ءوتتى. بالالاردىڭ قۇقىقتارىن قورعاۋ كوميتەتىنە ەڭ الدىمەن كومەككە مۇقتاج وتباسىلارداعى وقۋشىلاردىڭ جازعى دەمالىسىن ۇيىمداستىرۋ تاپسىرىلدى.
ايتا كەتسەك, ەلىمىزدەگى جىل بويى جۇمىس ىستەيتىن 11 ساۋىقتىرۋ ورتالىعى 6-ساۋىردەن باستاپ وقۋ پروتسەسىن ۇيىمداستىرا وتىرىپ, بالالاردى قابىلداۋعا دايىن. وقۋشىلاردى تاسىمالداۋ ءۇشىن مينيسترلىك قاۋىپسىزدىك جونىندەگى نۇسقاۋلىق پەن ۆەدومستۆوارالىق ءىس-قيمىل الگوريتمىن ازىرلەدى.
اپپاراتتىق كەڭەس بارىسىندا مينيستر تاسقىن سالدارىنان قيىن جاعدايعا تاپ بولعان پەداگوگتەردى قولداۋ ماسەلەسىنە دە توقتالىپ, سۋ تاسقىنىنا قارسى ءىس-شارالارعا قاتىسقان ارىپتەستەرىنە شىنايى ءپاتريوتيزمى ءۇشىن العىس ءبىلدىردى.