بۇعان دەيىن باتىس قازاقستان وبلىسىنىڭ 4 اۋدانى مەن ورال قالاسىندا توتەنشە جاعداي بولسا, ءساۋىردىڭ 1-ءى كۇنى بۇكىل وبلىس اۋماعىندا تابيعي سيپاتتاعى توتەنشە جاعداي جاريالاندى.
توتەنشە جاعداي وڭىردەگى سۋ تاسقىنى قاتەرىنە بايلانىستى جاريالانىپ وتىر. تاسقىننىڭ الدىن الۋ جۇمىستارىنا وبلىس اكىمىنىڭ ورىنباسارى قاليار ايتمۇحامبەتوۆ باسشىلىق ەتەدى.
قازىر ءوڭىردىڭ ءتورت اۋدانىندا بىرنەشە ەلدى مەكەنگە سۋ كىرىپ, تۇرعىن ۇيلەر ءب ۇلىندى. ادامدار مەن حايۋاناتتار قاۋىپسىز جەرگە كوشىرىلگەن.
ەندى باستاۋىن رەسەي اۋماعىنان الاتىن ترانسشەكارالىق وزەندەردىڭ دەڭگەيى كۇرت كوتەرىلىپ كەلەدى. وڭىردە مۇنداي وزەندەر سانى بەسەۋ: جايىق, شاعان, دەركول, قاراوزەن مەن سارىوزەن. ءدال قازىر سوڭعى ەكى وزەننىڭ سۋى ارناسىنا تولىپ اقتى, بۇل قازتالوۆ پەن جاڭاقالا اۋداندارى اۋماعىنداعى 22 ەلدى مەكەنگە قاۋىپ ءتوندىرۋى مۇمكىن. جەرگىلىكتى بيلىك ورىندارى, حالىق ءبىر كىسىدەي جۇمىلىپ, قاۋىپسىزدىك شارالارىن جاساپ جاتىر.
سونداي-اق شاعان, دەركول جانە جايىق دەڭگەيى دە ءسات ساناپ كوتەرىلىپ بارادى. كەي جەردە سۋ دەڭگەيى قاۋىپتى كورسەتكىشتەن دە اسىپ كەتتى.
وڭىردە بۇگىندە 4 مىڭنان اسا ادام قاۋىپسىز جەرگە كوشىرىلدى. بۇلاردىڭ تەڭ جارىمى – بالالار. وبلىستا جالپى سانى 219 ەۆوكوپۋنكت بار. قازىر وبلىستا بارلىق دەڭگەيدە تاسقىننان زارداپ شەككەندەر ءۇشىن گۋمانيتارلىق كومەك ۇيىمداستىرىلىپ جاتىر. جولداردىڭ, كوپىردەردىڭ ب ۇلىنۋىنەن «ۇلكەن جەرمەن» قارىم-قاتىناسسىز قالعان اۋىلدارعا ازىق-ت ۇلىك, كەرەك-جاراق جەتكىزۋ جۇيەلى جۇرگىزىلىپ وتىر. مىسالى, قاراتوبە اۋدانىنداعى سۋلىكول, ءۇشانا, تولەن, تەمىربەك, قوسباز, اققوزى, قورجىن, اقتايساي اۋىلدارى قازىر ارالدا قالعان. بۇعان قوسا كەيىنگى كۇندەرى تەرەكتى اۋدانىنا قاراستى پودستەپنوە اۋىلىن سۋ الىپ, جۇزگە جۋىق ۇيگە قاۋىپ تونگەن ەدى.
كەشە باتىس قازاقستان وبلىسىنىڭ اكىمى ناريمان تورەعاليەۆ وبلىس حالقىنا ۇندەۋ جاريالاپ, قيىن كەزەڭدە سابىرلىق ساقتاپ, ءبىر-بىرىنە قولداۋ كورسەتۋگە شاقىردى.
«قادىرلى جەرلەستەر, بۇگىن مەملەكەت باسشىسىنا وبلىستاعى جاعدايدى باياندادىم. پرەزيدەنت ءوز تاراپىنان حالىققا بارىنشا كومەك كورسەتىلەتىنىن ايتتى. زارداپ شەككەندەردىڭ ارقايسىسى مەملەكەت تاراپىنان بەرىلەتىن كومەكتەن قالىس قالمايدى. قۇتقارۋشىلار, توتەنشە جاعداي ماماندارى, كوممۋنالدىق قىزمەتتەر, كۇشتىك قۇرىلىمدار, ۆولەنتەرلەر جانە تۇرعىندارىمىز كۇن دەمەي, ءتۇن دەمەي سۋ تاسقىنىمەن كۇرەسىپ جاتىر. مەن ءۇشىن جەرلەستەرىمنىڭ اماندىعى – ءبىرىنشى ورىندا. سوندىقتان تاسقىننىڭ الدىن الۋعا باعىتتالعان بارلىق قاجەتتى شارالار اتقارىلادى», دەدى ءوڭىر باسشىسى.
باتىس قازاقستان وبلىسى