اباي وبلىسى اياگوز اۋدانىنداعى وزەن سۋىنىڭ دەڭگەيى كوتەرىلىپ كەتىپ, وزەن ىرگەسىندە ورنالاسقان تولەندين كوشەسىندەگى 43 جەكە تۇرعىن ۇيدەن 172 ادام ەۆاكۋاتسيالاندى, دەپ حابارلايدى Egemen.kz.
وبلىس اكىمدىگىنىڭ مالىمدەمەسىندە: «ۋاقىتشا ورىنعا جەتكىزۋگە 3 اۆتوبۋس ءبولىندى. الايدا ازاماتتاردىڭ كوبى تۋىستارىنىڭ ۇيلەرىنە كەتتى. قالعاندارى مەكتەپ-ينتەرنات جاتاقحاناسىنا جانە جاسوسىپىرىمدەر سپورت مەكتەبىنە ورنالاستىرىلدى», دەلىنگەن.
سونىمەن قاتار اياگوز وزەنىنە جاقىن ەشماعانبەتوۆ, شىڭعوجا باتىر كوشەلەرى 324 تۇرعىنىنا ساقتىق شارالارىن ساقتاۋ ەسكەرتىلدى.
«مامىرسۋ اۋىلدىق وكرۋگىندە دە سۋ دەڭگەيى كوتەرىلىپ, ساقتىق شارالارىن ساقتاۋ ماقساتىندا وزەن جاعاسىنا جاقىن ورنالاسقان 10 ۇيگە, (ونىڭ ىشىندە 30 ەرەسەك, 40 بالا) ەسكەرتۋ جاسالدى. ەۆاكۋاتسيا پۋنكتى دايىن. توتەنشە جاعداي بويىنشا شتاب قۇرىلىپ, كەزەكشىلىك ۇيىمداستىرىلعان», دەلىنگەن حابارلامادا.