بۇگىن باس پروكۋراتۋرادا سۋ تاسقىنى بويىنشا بارلىق مۇددەلى ورگانداردى تارتۋمەن ۆەدومستۆوارالىق جەدەل كەڭەس ءوتتى, دەپ حابارلايدى Egemen.kz اتالعان ۆەدومستۆوعا سىلتەمە جاساپ.
جيىنعا تجم, ءىىم, ەكولوگيا مينيسترلىگى مەن قازگيدرومەت وكىلدەرى قاتىستى.
توتەنشە جاعدايلار مينيسترلىگىنىڭ وكىلى وزەكتى اعىمداعى جاعدايدى باياندادى.
ەڭ قيىن جاعداي اقمولا, اقتوبە, شىعىس قازاقستان, باتىس قازاقستان, قوستاناي, سونداي-اق اباي, ۇلىتاۋ وبلىستارىندا بايقالادى.
«رەسپۋبليكالىق جانە 12 وبلىستىق شتابتار ورنالاستىرىلدى. سەنىم تەلەفونى جۇمىس ىستەپ جاتىر, سونداي-اق تاۋلىك بويى كەزەكشىلىك ۇيىمداستىرىلدى.
جەرگىلىكتى اكىمدىكتەر, پوليتسيا جانە توتەنشە جاعدايلار ورگاندارى سۋ باسقان نىسانداردى سورىپ الۋ جانە حابارلامالاردى قالپىنا كەلتىرۋ بويىنشا شۇعىل جۇمىستار جۇرگىزىپ جاتىر. 94 ادام ەۆاكۋاتسيالاندى.
بارلىعى 2,5 مىڭ قىزمەتكەر مەن 693 تەحنيكا, 288 سۋدى سورىپ الۋ قوندىرعىلارى جۇمىلدىرىلدى», دەلىنگەن باس پروكۋراتۋرا ءباسپاسوز قىزمەتى تاراتقان حابارلامادا.
بىراق قابىلدانعان شارالارعا قاراماستان, اتالعان ايماقتاردا تۇرعىن ۇيلەردى, اۋلا اۋماقتارىن جانە جەرتولەلەردى سۋ باسىپ جاتىر. ماسەلەن, جولدى شايىپ ءوتۋدىڭ 7 جاعدايى تىركەلدى.
اۋا رايىنىڭ تۇراقسىزدىعىن ەسكەرە وتىرىپ, الداعى كۇندەرى نوسەرلى جاڭبىر, اۋا تەمپەراتۋراسىنىڭ كوتەرىلۋى, سۋ باسۋ قاۋپى ءالى دە ساقتالادى.
كەڭەستە گيدروتەحنيكالىق قۇرىلىستاردىڭ جاي-كۇيى, ەلدى مەكەندەردى, جولدار مەن كوپىرلەردى ينجەنەرلىك قورعاۋ, تۇرعىنداردى ۋاقتىلى ەۆاكۋاتسيالاۋدى قامتاماسىز ەتۋ, ەۆاكۋاتسيالاۋ پۋنكتتەرىنىڭ دايىندىعى, العاشقى مەديتسينالىق-الەۋمەتتىك كومەك كورسەتۋ ماسەلەلەرى دە تالقىلاندى.
حالىقتى ەسكەرتۋ جۇيەلەرىنىڭ ۇزدىكسىز جۇمىسىن قامتاماسىز ەتۋ قاجەتتىلىگىنە دە ەرەكشە نازار اۋدارىلدى.
ءوز كەزەگىندە پوليتسيا ورگاندارى تاسقىندى جويۋ جۇمىستارى كەزىندە قاۋىپسىزدىك پەن قۇقىقتىق ءتارتىپتى قامتاماسىز ەتۋگە باعىتتالعان.
كەڭەس قورىتىندىسى بويىنشا وبلىس پروكۋرورلارى مەن ۋاكىلەتتى مەملەكەتتىك ورگاندارعا بىرلەسىپ تۇرعىنداردان تۇسەتىن سيگنالدارعا بارىنشا دەن قويۋ جانە سۋ تاسقىنىنان زارداپ شەككەن ادامدارعا كومەك كورسەتۋگە جەدەل شارالار قابىلداۋ قاجەتتىگى ايتىلدى.