اياگوز اۋدانىندا جەرگىلىكتى ماڭىزى بار «اياگوز-بوزاي» اۆتوجولىنىڭ 20 شاقىرىمىندا اياگوز وزەنىندەگى سۋ دەڭگەيىنىڭ كوتەرىلۋىنە بايلانىستى كوپىردىڭ جول توسەمى شايىلىپ كەتتى, دەپ جازادى Egemen.kz اۋدان اكىمدىگىنىڭ رەسمي تەلەگرام كانالىنا سىلتەمە جاساپ.
اۋدان اكىمدىگىنىڭ حابارلاۋىنشا, قازىرگى ۋاقىتتا كوپىر ارقىلى كولىك قاتىناسى توقتاتىلعان. سونىمەن قاتار, باسقا اينالما كولىك جولدارى ارقىلى ەلدى-مەكەنمەن بايلانىستى قالپىنا كەلتىرۋ جۇمىستارى جۇرگىزىلۋدە.پوليتسيا دەپارتامەنتىنىڭ قىزمەتكەرلەرى شەكتەۋ بەلگىلەرىن قويىپ, كەزەكشىلىك ۇيىمداستىرىلعان.«حالىقتى اياگوز وزەنى ارقىلى وتكىزۋدى جۇزەگە اسىرۋ ءۇشىن تجد قىزمەتكەرلەرى جىبەرىلدى, ولار قاجەت بولعان جاعدايدا ءجۇزۋ قۇرالدارىنىڭ كومەگىمەن وتكەلدىك جۇمىستاردى جۇزەگە اسىراتىن بولادى. قالپىنا كەلتىرۋ جۇمىستارىن جۇرگىزۋ ماقساتىندا اياگوز اۋدانىنىڭ اكىمدىگى جەرگىلىكتى اۋقىمداعى تج-دى جاريالادى», دەلىنگەن حابارلامادا.