فۋتبولدان قازاقستان ۇلتتىق قۇراماسى سىرت الاڭدا ليۋكسەمبۋرگ قۇراماسىمەن جولداستىق كەزدەسۋ وتكىزەدى, دەپ حابارلايدى Egemen.kz.
ايتا كەتەيىك, بۇعان دەيىن ۇلتتىق قۇراما گرەكيادان 0:5 ەسەبىمەن ۇتىلىپ, ەۋروپا چەمپيوناتىنا جولداما الۋ مۇمكىندىگىنەن ايىرىلعان ەدى.
ء«بارىمىز ءۇشىن گرەكيامەن ويىننىڭ ناتيجەسى اپاتتى بولدى. بىراق جۇرەگىمىز سوعىپ تۇر, سوندىقتان ءبىز العا جىلجۋىمىز كەرەك. ءبىز گرەكياداعى ساتسىزدىكتى ۇمىتىپ, كوماندانىڭ يگىلىگى ءۇشىن جولىمىزدى جالعاستىرۋىمىز كەرەك», دەدى ۇلتتىق قۇرامانىڭ جاتتىقتىرۋشىسى ماگومەد اديەۆ.
ليۋكسەمبۋرگكە قارسى ويىن «ستاد دە ليۋكسەمبۋرگ» ستاديونىندا وتەدى. جولداستىق كەزدەسۋدىڭ باستالۋى قازاقستان ۋاقىتى بويىنشا 27 ناۋرىز 00:45-كە جوسپارلانعان.
ماتچتى Qazsport ارناسى تىكەلەي ەفيردە كورسەتەدى. ترانسلياتسيا ارنانىڭ سايتىندا دا قولجەتىمدى بولادى.