مەملەكەت باسشىسى قاسىم-جومارت توقاەۆتىڭ ۇلتتىق قۇرىلتايدىڭ ءۇشىنشى وتىرىسىندا كوتەرگەن ماسەلەلەرىنىڭ ءبىرى يدەولوگيا ماسەلەسى بولدى.
پرەزيدەنت ءوز سوزىندە: «بۇگىندە ماڭىزدى يدەولوگيالىق تۇجىرىمدارىمىز بەن نەگىزگى باعىتتارىمىز - تاۋەلسىزدىك جانە وتانشىلدىق, بىرلىك جانە ىنتىماق, ادىلدىك جانە جاۋاپكەرشىلىك, زاڭ جانە ءتارتىپ, ەڭبەكقورلىق جانە كاسىبي بىلىكتىلىك, جاسامپازدىق جانە جاڭاشىلدىق. ۇلتىمىز وسى يدەيالىق نەگىزدەردى باسشىلىققا السا, بولجاۋسىز جانە قارقىندى دامىپ كەلە جاتقان ءححى عاسىردا لايىقتى ورنىن تابادى. قۇزىرلى مەملەكەتتىك ورگانداردىڭ ءبارى ءوز جۇمىسىن قايتا قاراپ, وسى تۇعىرناماعا ۇيلەستىرۋى قاجەت!», دەپ ايتتى.
كەيبىر ساراپشىلاردىڭ: «قازاقستاندا يدەولوگيا جوق», دەگەن پىكىرلەرىنە ناقتى جاۋاپ دەپ بىلەمىن.
بۇل جەردە وقۋ-اعارتۋ مينيسترلىگى مەكتەپتەگى تاربيە جۇمىسىن ۇيىمداستىرۋ تاسىلدەرىن جاڭارتۋى, جوعارى وقۋ ورىندارى مەن كوللەدجدەر ستۋدەنتتەرمەن جۇرگىزىلەتىن جۇمىستا رۋحاني قۇندىلىقتاردى ىسكە اسىرۋى, قارۋلى كۇشتەرىمىز اسكەري-پاتريوتتىق ءىس-شارالارعا ات سالىسۋى قاجەت.
عالياسقار سارىباەۆ,
پارلامەنت سەناتىنىڭ دەپۋتاتى