قۋانىشتى جاڭالىقتى جاستاردىڭ اكەسى, بەلگىلى قوعام بەلسەندىسى مۇحتار تايجان جاريالادى, دەپ حابارلايدى Egemen.kz.
«كوپ كىسىلەر حابارلاسىپ سۇراپ جاتقاننان كەيىن, ۇلىم تۋرالى شىعىپ جاتقان جاڭالىقتاردى قۋانا راستايمىن!
سانجار اتاسىنىڭ (مەنىڭ اكەمنىڭ) تۋعان كۇنىندە (08.03.) سۇيىكتى قىزىن لوندوننان پاريجگە ارنايى اپارىپ, ءۇي بولۋ تۋرالى ۇسىنىسىن رەسمي جاسادى.
ءبىز - تايجان وتباسى بۇعان وتە قۋانىشتىمىز, سەبەبى اينۇر ءبارىمىزدىڭ كوڭىلىمىزدەن ابدەن شىقتى!
ءيا, فرانتسيا پرەزيدەنتى ەممانۋەل ماكرون مىرزا ولاردى ەيفەل مۇناراسىنىڭ ماڭايىندا كەزدەيسوق كەزدەستىرىپ ءبىرىنشى قۇتتىقتادى», دەلىنگەن مۇحتار تايجاننىڭ جازباسىندا.
ايتا كەتەيىك, بۇل بەينەجازبا بىرنەشە كۇن بۇرىن الەۋمەتتىك جەلىگە تاراعان ەدى. جاستارمەن تىلدەسكەن ماكرون ولاردىڭ قاي ەلدەن كەلگەنىن سۇرادى.
سانجار تايجان قازاقستاننان كەلگەنىن ايتتى. ماكرون قازاقستان پرەزيدەنتى قاسىم-جومارت توقاەۆتى تانيتىنىن, كەزدەسكەنىن تىلگە تيەك ەتتى.