شىمكەنتتە وقۋ-جاتتىعۋ جيىنىن قاعاز جۇزىندە عانا وتكىزگەن باپكەرلەردىڭ ءىسى اشكەرەلەندى. ولار زاڭسىز ارەكەتى ارقىلى 6 ملن تەڭگەنى قالتالارىنا باسقان, دەپ جازادى Egemen.kz.
قالالىق دەنە شىنىقتىرۋ جانە سپورت باسقارماسىنا قاراستى سپورت مەكتەپتەرىنىڭ جاتتىقتىرۋشىلارى 2022-2023 جىلدار ارالىعىندا سپورتشىلاردىڭ الماتى, تاراز قالالارى مەن تۇركىستان وبلىسىندا وقۋ-جاتتىعۋ جيىندارىنا بارعانى تۋرالى جالعان قۇجات تاپسىرىپ كەلگەن. ءسويتىپ 6 ملن تەڭگە كولەمىندە بيۋدجەت قارجىسىن تالان-تاراجعا سالعان.
سوت بارىسىندا مەملەكەتكە كەلتىرىلگەن شىعىن وتەلدى, الايدا بيۋدجەت قارجىسىن قايتارۋ جازادان قۇتقارمادى.
قالالىق سوت حابارلاماسىندا: «بيۋدجەت قاراجاتىن جىمقىرۋ فاكتىسى بويىنشا ايىپتالۋشىلاردىڭ باس بوستاندىعى 1 جانە 2 جىل مەرزىمگە شەكتەلدى», دەلىنگەن.