قارۋلى كۇشتەردىڭ جاۋىنگەرلىك دايىندىق باعدارلاماسى شەڭبەرىندە ناۋرىزدىڭ 11-19 كۇندەرى ارالىعىندا قاراعاندى وبلىسى اۋماعىندا ەكىجاقتى كوماندالىق-شتابتىق وقۋ-جاتتىعۋ ءوتىپ, قاراعاندى, الماتى, جەتىسۋ وبلىستارى اۋماعىندا كۇشتەر مەن قۇرالداردىڭ قوزعالىسى جۇزەگە اسىرىلادى, دەپ حابارلايدى Egemen.kz قورعانىس مينسترلىگىنىڭ ءباسپاسوز قىزمەتىنە سىلتەمە جاساپ.
ۆەدومستۆو مالىمدەمەسىندە: «وقۋ-جاۋىنگەرلىك مىندەتتەردى پىسىقتاۋ ماقساتىندا بولىمشەلەر پوليگوندارعا تەمىر جول, اۋە, اۆتوموبيل كولىگى ارقىلى ارالاس تاسىلمەن مارش جاسايدى. كەيىن تۇراقتى ورنالاسۋ پۋنكتتەرىنە ورالادى. اتالعان كەزەڭدە ءوڭىردىڭ جەكەلەگەن اۋداندارىندا شەكتەۋ شارالارى ەنگىزىلۋى مۇمكىن ەكەنىن حابارلايدى. وسىعان بايلانىستى ازاماتتاردان ءوتىپ جاتقان وقۋ-جاتتىعۋلارعا تۇسىنىستىكپەن قاراۋدى جانە تىنىشتىق ساقتاۋدى سۇرايمىز. سونىمەن قاتار الەۋمەتتىك جەلىلەردى پايدالانۋشىلاردان اسكەري تەحنيكانىڭ قوزعالىسى تۋرالى جالعان حابارلامالار مەن بەينەماتەريالدار تاراتپاۋدى جانە تەك رەسمي اقپارات كوزدەرىنە سەنۋدى سۇرايمىز», دەلىنگەن.