ەڭ ءتاتتى كورمە

– وسىناۋ ەرەكشە فەستيۆالدى ءبىز حالىقارالىق ايەلدەر كۇنى مەرەكەسى قارساڭىندا ءارى قا­زاق­ستان رەسپۋبليكاسى پرەزي­دەنتى جا­نىنداعى ايەلدەر ىستەرى جانە وتباسىلىق-دەمو­گرا­فيا­لىق ساياسات جونىندەگى ۇلت­تىق كوميسسيانىڭ قۇرىلعا­نىنا 25 جىل تولۋىنا وراي ارنايى ۇيىم­داستىرىپ وتىر­مىز, – دەيدى با­تىس قازاقستان وب­لىستىق ىسكەر ايەل­دەر كەڭەسىنىڭ ءتورايىمى ليانا تۇرسىنوۆا.

كورمەدە تالعامپاز تاتتى­قۇ­ماردىڭ دا كوڭىلىنەن شىعاتىن نەشە ءتۇرلى ءونىم قويىلعان ەكەن. ءارتۇرلى شوكولاد-كامپيتتەر, تورتتار مەن ءتاتتى پەچەنەلەر, جەنت, قۇرت, ىرىمشىك سەكىلدى ۇلت­تىق تاعامدار دا كوپ بولدى. ءار كاسىپكەر ءوز ءونىمىنىڭ قالاي جا­­سا­عانىن, قۇرامىندا نە بار ەكە­نىن ءوزى ايتىپ بەرىپ, ساۋدانى قىزدىرىپ جاتتى.

– ءبىزدىڭ قالامىزدا ءتاتتى ءونىم دايىندايتىن قىز-كەلىنشەك وتە كوپ. بۇگىنگى كورمەدە جەنت, قۇرت سەكىلدى ۇلتتىق تاعامداردى جاڭا فورماتتا ۇسىنىپ وتىرعان شەبەرلەرگە ەرەكشە ريزا بولدىق. بۇل دا جاقسى ءۇردىس. وسىنداي كاسىپكەرلەر ءبىر-بىرىمەن تانىسىپ, ءوزارا تاجىريبە الماسىپ تۇرۋى ءۇشىن, ونىمدەردى ناسيحاتاۋ ءۇشىن مۇنداي كورمەلەر ءجيى ءوتىپ تۇرۋى اسا قاجەت, – دەيدى ورال قالا­سى اكىمىنىڭ ورىنباسارى ارسەن عۇباشەۆ.

كورمەگە قويىلعان ونىمدەر كەز كەلگەن داستارقاننىڭ كور­كىن ارتتىرىپ قانا قويماي, تازا تابيعي شيكىزاتتان جاسالعان­دىقتان, دەنساۋلىققا دا پايدالى بولىپ شىقتى. مىسالى, تەرەكتى اۋدانىنان كەلگەن «تەمىرعاليەۆا» جك-نىڭ جەتەك­شىسى اياكوز تەمىرعاليەۆا كون­ديتەرلىك ءونىم شىعارۋمەن 5 جىلدان بەرى اينالىسادى ەكەن. 2022 جىلى 1 ملن 225 مىڭ تەڭگە گرانت ۇتىپ, ول قارجىعا توڭازىتقىش جانە باسقا دا قۇرال-جابدىق ساتىپ العان كاسىپكەر شوكولادقا مالىنعان قۇلپىناي, انار جانە ماكارونستار جاسايدى. بۇل ءۇشىن تەك تابيعي ونىمدەردى پايدالانادى. «بۇعان دەيىن اۋداندىق كورمەلەرگە قاتىستىم. وبلىستىق ءىس-شاراعا العاش رەت كەلىپ وتىرمىن. مۇنداي كور­مەلەر ءوزىمىز سەكىلدى كاسىپكەر­لەر­مەن تانىسىپ, تاجىريبە ال­ماسۋعا مۇمكىندىك بەرەدى» دەيدى كاسىپكەر.

باتىس قازاقستان وبلىسى