تايپەيدە مانەرلەپ سىرعاناۋدان جاستار اراسىنداعى الەم بىرىنشىلىگىنىڭ شىمىلدىعى ءتۇرىلدى.
جارىس قازاقستاننىڭ سپورتشىلارى ءۇشىن ءساتسىز باستالدى. قىزدار سايىسىنىڭ قىسقا باعدارلاماسىندا سىنعا تۇسكەن ەكاتەرينا باليۋبا نەبارى 47, 25 ۇپاي جيناپ, فينالعا شىعا المادى. ول 46 سپورتشىنىڭ اراسىندا 34-ورىندى قاناعات تۇتتى. بۇل جاتتىعۋدا وڭتۇستىك كورەيانىڭ وكىلى چجي ا سين (73,48 ۇپاي) توپ جارسا, جاپونيالىق ماو شيمادا (72,60) مەن يكۋرا كۋشيدا (66,61) ەكىنشى جانە ءۇشىنشى ورىنداردى ءوزارا ءبولىستى. سونداي-اق فينليانديالىق يدا كارحۋنەن (64,64) مەن ەستونيالىق ەلينا گويدينا (63,03) ۇزدىك بەستىكتىڭ قاتارىنا قوسىلدى. جيناعان ۇپايلارىن ەسەپكە الساق, جۇلدەلى ورىندار ءۇشىن تارتىس شاماسى ءدال وسى مانەرلەپ سىرعاناۋشىلار اراسىندا وتەدى.
تايپەيدەگى ەندىگى ءۇمىتىمىز – ولەگ مەلنيكوۆ. 18 جاستاعى جەرلەسىمىز كەشە قىسقا باعدارلامادا ونەر كورسەتتى.