ەلىمىزدىڭ كوشى-قون زاڭدىلىعىن بۇزاتىن شەتەلدىكتەر ابدەن شەكتەن شىقتى. اتىراۋلىق پوليتسيا قىزمەتكەرلەرى وتكىزگەن «ميگرانت» جەدەل الدىن الۋ ءىس-شاراسى كەزىندە زاڭسىز جۇرگەن وزگە مەملەكەتتەردىڭ ازاماتتارى ۇستالدى. ەلىمىزدىڭ زاڭىن ەرەن ساناماعان شەتەلدىكتەردىڭ اراسىندا اۋعانستان مەن بانگلادەش رەسپۋبليكاسىنىڭ التى ازاماتى بار.
اتىراۋ وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, الىستاعى شەتەلدەردىڭ ازاماتتارى 2023 جىلدىڭ قازان – جەلتوقسان ايلارى ارالىعىندا قازاقستان اۋماعىنا ساۋدا-ساتتىق, ماركەتينگ جۇرگىزۋ ماقساتىمەن كەلىپ, الماتى جانە قوستاناي قالالارىنا بارعانى انىقتالعان. الايدا ولار ۆيزا مەرزىمى وتكەنىمەن, ەل اۋماعىنان شىقپاي قالعان. وسىعان بايلانىستى سوت شەشىمىمەن ءتورت شەتەلدىككە ايىپپۇل سالىندى. ەكى ازاماتتىڭ ۆيزاسى جارامسىز دەپ تانىلدى. كوشى-قون زاڭناماسىنىڭ تالاپتارىن بۇزعان ولاردىڭ بارىنە قازاقستان رەسپۋبليكاسىنىڭ اۋماعىنان كەتۋگە شىعۋ ۆيزاسى بەرىلدى. ەندى ولار ەلىمىزدىڭ شەكاراسىنان 15 كۇننىڭ ىشىندە شىعىپ كەتۋى كەرەك.
مۇنايلى وڭىردە 19 اقپاننان بەرى «ميگرانت» جەدەل پروفيلاكتيكالىق ءىس-شاراسى ءوتىپ جاتىر. ونىڭ ماقساتى – كوشى-قون زاڭدىلىعىن بۇزعان شەتەل ازاماتتارىن انىقتاۋ, ەل اۋماعىنان ءوز ەركىمەن كەتۋ تۋرالى سوت قاۋلىسىن ورىنداماعان شەتەلدىكتەردى ءماجبۇرلى تۇردە شىعارۋ. ءۇش كۇندە اتىراۋ قالاسىنىڭ اۋماعىندا زاڭسىز جۇمىس ىستەپ جۇرگەن 50-دەن اسا شەتەلدىك انىقتالدى. وزگە ەلدىڭ ازاماتتارىنا قاتىستى اكىمشىلىك قۇقىق بۇزۋشىلىق تۋرالى كودەكسى 517-بابىنىڭ 5-تارماعىمەن (شەتەلدىكتىڭ نەمەسە ازاماتتىعى جوق ادامنىڭ جۇزەگە اسىراتىن قىزمەتى ۆيزادا كورسەتىلگەن ماقساتتارعا سايكەس بولماۋىمەن كورىنگەن, قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى نەمەسە جەرگىلىكتى اتقارۋشى ورگان ءوز بەتىنشە جۇمىسقا ورنالاسۋعا رۇقساتتى الۋ ەڭبەك قىزمەتىن جۇزەگە اسىرۋى) اكىمشىلىك حاتتامالار تولتىرىلدى. جيناقتالعان ءىس قۇجاتتارى سوتقا جولداندى.
شەتەلدىكتەر زاڭىز جۇرگەنىمەن قويماي, الكوگولدىك ىشىمدىك ءىشىپ, ماس كۇيىندە كولىك جۇرگىزەتىندى شىعاردى. پوليتسيا قىزمەتكەرلەرى 20 اقپاندا اتىراۋ قالاسىنداعى ي.تايمانوۆ داڭعىلى بويىندا «Chevrolet Cobalt» ماركىلى اۆتوكولىگىن توقتاتتى. تەكسەرۋ كەزىندە كولىكتىڭ وزبەكستان رەسپۋبليكاسىندا تىركەلگەنى انىقتالدى. ال كولىكتى اتالعان ەلدىڭ 1989 جىلعى تۇرعىنى ماس كۇيىندە جۇرگىزگەنى دالەلدەندى. وعان قاتىستى اكىمشىلىك قۇقىق بۇزۋشىلىق تۋرالى كودەكسى 608-بابىنىڭ 1-بولىگىمەن (جۇرگىزۋشىنىڭ كولىك قۇرالىن الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدە باسقارۋى, سول سياقتى كولىك قۇرالىن الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ باسقارۋىنا بەرۋ) اكىمشىلىك حاتتاما تولتىرىلدى.
اتىراۋ وبلىسى