الماتى قالاسىنىڭ كاسىپكەرلەر پالاتاسى مەن قالالىق جوسپارلاۋ جانە ۋربانيستيكا باسقارماسىنىڭ وكىلدەرى الماتىنىڭ ديزاين-كودىنىڭ برەندبۋكتارىن ازىرلەۋ تاسىلدەرىنە ۇسىنىستار جيناۋ ماقساتىندا سەمينار وتكىزدى.
وقىرمانعا تۇسىنىكتى بولۋى ءۇشىن 2023 جىلدىڭ 29 جەلتوقسانىندا الماتى قالاسىنىڭ ديزاين-كودى قابىلدانعانىن, بيىل ناۋرىزدا بۇل قولدانىسقا ەنگىزىلۋگە ءتيىس ەكەنىن ايتا كەتكەن ءجون. ال كاسىپكەرلەرگە جاڭا تالاپتارعا بەيىمدەلۋگە 1,5 جىل ۋاقىت بەرىلىپ وتىر. جاڭا تالاپتارعا بەيىمدەلۋى ءۇشىن ولارعا باستاپقىدا سۋبسيديالاۋ نۇسقالارى قاراستىرىلىپ جاتىر.
ال ديزاين-كود تۋرالى زاڭ قالالىق ورتاداعى تومەندەگىدەي نىسانداردى رەتتەيدى: ءتۇرلى اقپارات تاسىمالداۋىشتاردى راسىمدەۋ جانە تولتىرۋ, سونداي-اق اقپارات ورنالاسقان وبەكتىلەردى ارلەۋگە قويىلاتىن تالاپتار; ناۆيگاتسيا جۇيەسىنىڭ ەلەمەنتتەرىن ورناتۋ, بەزەندىرۋ تالاپتارى; كوشە جيھازدارىن, ستاتسيونارلىق ەمەس ساۋدا وبەكتىلەرىن تاڭداۋعا, ورنالاستىرۋعا جانە قالا اۋماقتارىن قۇرىلىستىڭ نەگىزگى مورفوتيپتەرى بويىنشا قاتىسى جوق جىكتەۋگە قويىلاتىن تالاپتاردىڭ بازالىق تىزبەسى; جەرگىلىكتى تابيعي-كليماتتىق جاعداي, جاسىل كەڭىستىكتەردىڭ ەرەكشەلىكتەرى مەن ەكولوگيالىق قاجەتتىلىكتەرىن ەسكەرە وتىرىپ, كوگالداندىرۋدىڭ لاندشافت ديزاينىنا قويىلاتىن تالاپتار; قاسبەتتىك ەلەمەنتتەردى بەزەندىرۋ جانە ارلەۋ تالاپتارى; ۋاقىتشا قورشاۋ ەلەمەنتتەرىن راسىمدەۋ تالاپتارى.
بۇل – «اتامەكەن» وڭىرلىك پالاتاسى جانىنداعى تۋريزم جونىندەگى كەڭەستىڭ ءبىرىنشى وتىرىسى. تۋريزم جونىندەگى كەڭەس قۇرامىندا «قازاقستان تۋريستىك قاۋىمداستىعى» زتب ديرەكتورى راشيدا شايكەنوۆا, الپينيزم جانە سپورتتىق الپينيزم فەدەراتسياسىنىڭ ۆيتسە-پرەزيدەنتى باعلان ءجۇنىسوۆ, «تۋرانگا Group» جشس باسشىسى الەكسەي گۋجاۆين, «The Ultimate Visionary Group» جشس كومپانيالار توبىنىڭ نەگىزىن قالاۋشى دميتري لاكتيۋشين, «AB Restaurants» مەيرامحانالار جەلىسىنىڭ نەگىزىن قالاۋشى اسقار بايتاسوۆ, «وبلاكا» جشس باسشىسى سەرگەي سپيتسىن, «Chimbulak Development» جشس ديرەكتورى رينات ءابدىراحمانوۆ, «Sky Way LTD» جشس باسشىسى اسەم قوزباعاروۆا, «Global Air» باس ديرەكتورى – «American Express» گۇلدەن وسپانوۆا, «داۆاي سحوديم» مەديا-حولدينگىنىڭ نەگىزىن قالاۋشى الىشەر تويعۋليەۆ, الماتى قالاسى ءماسليحاتىنىڭ دەپۋتاتى نازەركە مۇنداحانوۆا سىندى ىسكەر ادامدار بار.
جيىندى جۇرگىزىپ وتىرعان الماتى قالاسى كاسىپكەرلەر پالاتاسىنىڭ توراعاسى نۇرسۇلتان شوقانوۆ: «تۋريزم سالاسىنىڭ الدىندا تۇرعان ناقتى مىندەت – ءوڭىردىڭ تۋريستىك الەۋەتىن ىلگەرىلەتىپ, تۋريستەر تارتۋ, قوناقتاردىڭ دەمالىسى مەن سەرۋەنىنە قولايلى جاعداي تۋعىزۋ, ينفراقۇرىلىم مەن قىزمەتتەردى جاقسارتىپ, قاۋىپسىزدىك پەن جايلىلىق دەڭگەيىن ارتتىرۋ», دەيدى.
وسى ماقساتتاردى ىسكە اسىرۋ ءۇشىن تۋريزم كەڭەسى جۇمىسىن وزگەرتە وتىرىپ, قوعامدىق باستامالارمەن عانا شەكتەلىپ قالماي, ىسكەرلىك ارەكەتتەرگە كوشپەك.
«جۇمىسىن قايتا قولعا الىپ وتىرعان كەڭەستىڭ ۇيىمداستىرۋشىلارىنا العىس ايتامىن. كوزدەگەنىمىز ءبىر, ويىمىز ورتاق: قالامىزدى كوركەيتۋ, ءتۋريزمدى دامىتۋ», دەدى توو «The Ultimate Visionary Group» كومپانيالار توبىنىڭ نەگىزىن قالاۋشى دميتري لاكتيۋشين.
ءتۋريزمدى دامىتۋ باعىتىندا الماتىنىڭ ارحيتەكتۋرالىق كەلبەتى, كوشەدەگى جازۋلار مەن جارنامالاردىڭ مازمۇنىن رەتتەۋ ۇلكەن ماڭىزعا يە. تۋريزم كەڭەسى شەڭبەرىندە وتكەن سەمينار بيزنەس تاجىريبەسىن, سۇرانىستاردى, نەگىزگى پروبلەمالار مەن مۇمكىندىكتەردى تالداۋعا باعىتتالعان.
«جوبالىق سەمينار بارىسىندا بارلىق شەشىم مەن ۇسىنىستى بىرگە جيناقتايمىز. مۇنداي جوبالىق سەمينارلار بيزنەس تاجىريبەسىن, سۇرانىستاردى, نەگىزگى تۇيتكىلدەر مەن مۇمكىندىكتەردى تالداۋدى كوزدەيدى», دەيدى ديزاين-كود جوباسىنىڭ باس ساۋلەتشىسى تاحمينا سافوەۆا.
الماتى