بۇگىن الماتى قالاسىندا ەستۋ قابىلەتى زاقىمدانعان سپورتشىلار اراسىندا وتەتىن XX قىسقى سۋردليمپيادا ويىندارىنا ۇلتتىق قۇرامانى رەسمي شىعارىپ سالۋ ءراسىمى ءوتتى, دەپ حابارلايدى Egemen.kz csp_parasport.kz مالىمەتىنە سىلتەمە جاساپ.
ناۋرىزدىڭ 2-12 كۇندەرى ارالىعىندا تۇركيانىڭ ەرزۋرۋم قالاسىندا وتەتىن ءدۇبىرلى دودادا 36 ەلدەن كەلەتىن 1000-عا جۋىق سپورتشى اراسىندا تاۋ شاڭعىسى, سنوۋبورد, شاڭعى جارىسى, شاحمات, فۋتزال, كەرلينگتەن 34 مەدال جيىنتىعى ساراپقا سالىنادى.
وعان قازاقستان تاراپىنان شاحمات, سنوۋبورد, شاڭعى جارىسىنان 26 سپورتشى قاتىسادى.
رەسمي شىعارىپ سالۋ ءراسىمى بارىسىندا XX قىسقى سۋردليمپيادا ويىندارىنىڭ اشىلۋ سالتاناتىنا ەلىمىزدىڭ تۋىن ۇستاپ شىعۋ مارتەبەسى شاحماتتان الەم چەمپيوناتىنىڭ قولا جۇلدەگەرى سۇلتان قوجاحمەتوۆكە تاپسىرىلدى. سپورتشىعا قازاقستان تۋىن جازعى سيدنەي وليمپياداسىنىڭ جەڭىمپازى ەرماحان ىبرايىموۆ تابىستادى.