شىمكەنت بازارلارىندا زەرگەرلىك بۇيىم ساتۋشىلارىنا جارتى ميلليون تەڭگەدەي شىعىن كەلتىرگەن كۇدىكتى ۇستالدى, دەپ حابارلايدى Egemen.kz Polisia.kz-كە سىلتەمە جاساپ.
ول ساۋدا نۇكتەلەرىنە ساتىپ الۋشى رەتىندە بارىپ, باعالى بۇيىمداردى بىلدىرتپەي ۇرلاپ, تايىپ تۇرعان. ناتيجەسىندە, تاۋاردىڭ جەتىسپەۋشىلىگىن بايقاعان ءۇش كاسىپكەر پوليتسياعا ارىزدانعان.
پوليتسيا مالىمدەمەسىندە: ء«ال-فارابي اپب-نىڭ جەدەل ۋاكىلدەرى بەينەباقىلاۋ كامەرالارى جازبالارىن تەكسەرىپ, ۇرىنىڭ جەكە باسىن انىقتادى. ول ۇرلىق جاساعانى ءۇشىن بىرنەشە رەت سوتتالعان الماتى تۇرعىنى بولىپ شىقتى. ءتارتىپ ساقشىلارى ونى تۇرعىلىقتى جەرىنەن ۇستادى. كۇدىكتى زەرگەرلىك بۇيىمداردى لومباردقا ساتىپ ۇلگەرىپتى», دەلىنگەن.
قازىرگى ۋاقىتتا ول قاماۋعا الىندى. قۇقىق قورعاۋشىلار ونىڭ باسقا دا ۇقساس جايتتارعا قاتىسى بار بولۋى مۇمكىن ەكەنىن اتاپ ءوتتى.